ВЕТЕРАН ВЫРАЗИЛ УВАЖЕНИЕ УЧИТЕЛЮ
Білім беру саласына білім-білігін, ғұмырын арнаған ұлағатты ұстаздың бірі – Оспанов Серік Нүсіпбекұлы.
Сарқан ауданы, Көктерек ауылының тумасы Серік Нүсіпбекұлы Талдықорған Педагогикалық институтында музыка пәнінің мұғалімі мамандығы бойынша білім алып, қарапайым ұстаздан басшылық лауазымға дейін көтерілген. Еңбегі ескеріліп, аудандық, облыстық деңгейдегі түрлі мемлекеттік марапаттармен марапатталған. Қырық жылдан астам ғұмырын осы салаға арнап, бүгінгі күні ауданның бетке ұстар азаматына айналған Серік Оспанов құрметті еңбек демалысына шықты.
Ардагер ұстазды мерейлі мерекесімен «Алматы облыстық білім және ғылым қызметкерлері кәсіподақ ұйымы» ҚБ Сарқан аудандық филиалының төрағасы Е.Алинов, аудандық білім бөлімінің аға әдіскері С.Шайыхсланқызы және кадр бөлімінің маманы Ә.Бауыржанқызы құттықтады. Жылы лебізіндерін білдіріп, кәсіподақ филиалының бағалы сыйлығын табыс етті.
Сала ардагері кәсіподақ өкілі мен аудандық білім бөлімінің мамандарына алғысын білдіріп, ақ батасын берді.
Сандуғаш Смайлова,Сарқан аудандық филиалының есепшісі,Алматы облысы
