ӨНЕР МЕКТЕПТЕРІНІҢ ҮЗДІКТЕРІ МАРАПАТТАЛДЫ
Қызылорда облыстық оқу орталығы (әдістемелік кабинет) және білім кәсіподағының ұйымдастыруымен музыка, өнер мектептеріндегі жас мамандардың кәсіби деңгейлерін жетілдіру, үздіктерін анықтау мақсатында облыстық байқау өткізілді.
Байқауға қатысушылар 2 кезең бойынша бәсекеге түсті.
І кезең "лайк тайм" арқылы Қызылорда Қалалық Өнер мектебі,Қорқыт Ата атындағы Қазалы әуез мектебі, Жалағаш аудандық әуез мектебі, №267мектеп жанындағы көркемдік-эстетикалық орталығы, Арал аудандық өнер мектебі,Салқынбайұлы атындағы Қармақшы аудандық әуез мектебі,Шаған ауылдық әуез мектебі жоғары белсенділікпен ІІ кезеңге жолдама алды.
ІІ кезеңде «Мен ... жетекшімін», «Шеберлік қолтаңбасы», «Шығармашылық шыңы», «Талантты ұстазға-дарынды шәкірт», «Таланттылар тақтасы» шарттары бойынша 10 минутқа дейінгі бейнеролик ұсынған қатысушылар өзара сынға түсті.
Байқауға Қорқыт Ата атындағы Қызылорда университетінің «Дәстүрлі музыка өнері» кафедрасының аға оқытушысы А.Шағдатов, М.Мәметова атындағы Қызылорда педагогикалық жоғары колледжінің «Оқу-әдістемелік» бөлімінің меңгерушісі Д.Ділдәбекқызыоблыстық кәсіподақ комитетінің бас маманы Ж.Сағындықова қазылық жасады. Нәтижесінде, І орынды - Қызылорда қаласы №267 мектеп жанындағы көркемдік-эстетикалық орталығы "Домбыра" класының жетекшісі А.Жүсіпов, ІІ орынды - Қорқыт Ата атындағы Қазалы музыка мектебі "Домбыра" класының жетекшісі Р.Айқожаұлы , ІІІ орынды - Арал аудандық өнер мектебі "Бейнелеу" класының жетекшісі Қ.Бектұрсынов иеленді.
Жеңімпаздар арнайы дипломдар және білім қызметкерлері кәсіподағының сыйлықтармен марапатталды.
-
Фотографии
-
