БАТЫР РУХЫНА ТАҒЗЫМ
Кеңес Одағының батыры Қожабай Жазықовтың туғанына 100 жыл толуына байланысты Байғанин ауданы, Қожабай Жазықов атындағы орта мектебінде «Батырға тағзым» атты үлкен мерекелік шара өтті. Оған батырдың ұрпақтары, сонымен қатар облыстық білім және ғылым қызметкерлері кәсіподағының бас маманы Айжарық Серімбетов, Байғанин ауданы әкімінің орынбасары, білім бөлімінің өкілдері қатысты.
Шараның негізгі мақсаты – батырдың ерлігін дәріптей отырып, келешек жас ұрпаққа патриоттық рух қалыптастыру. Бұл шара бірнеше бөлімнен тұрды. Батыр ұрпақтары әке рухына тағзым етіп, ескерткішке гүл шоқтарын қойды. Одан әрі қарай мерекелік концертке ұласты. Батырға арналған жыр шумақтары оқылып, әндер айтылды. Ұзақ жылдар ұстаздық қызмет атқарған педагогтар облыстық білім және ғылым қызметкерлері кәсіподағы мен Облыстық білім басқармасының бірлескен Алғыс хатымен және облыстық кәсіподақ тарапынан ақшалай сыйақымен марапатталды. Кеш соңында батырдың қызы Лаура Қожабайқызы Жазықова кеш қонақтарына ризашылығын білдіріп, рахметін айтты.
-
Фотографии
-
