ЖАМБЫЛДАҒЫ МИЛЛИОНЕР МЕКТЕПТЕР ҚАЙСЫ?
Жаңа оқу жылының басында өтетін дәстүрлі облыстық Тамыз кеңесінде Жамбыл облысының әкімі Бердібек Сапарбаев өңірдің үздік білім беру ұйымдарын арнайы 1000000 теңгелік сертификаттармен марапаттаған болатын. Жуырда Жамбыл облысы білім және ғылым қызметкерлерінің жергілікті кәсіподағының төрағасы Ерұлан Мағзымбеков сол үздік білім беру ұйымының директорларыменкездесті.
Кәсіподақ үйінің мәжіліс залында өткен жиынға«Үздік инновациялық мектеп» номинациясының иегері Тараз қаласындағы Б.Момышұлы атындағы №45 қазақ классикалық гимназиясының директоры Фарида Шортанбекова, «Үздік қала мектебі» номинациясын жеңіп алған Тараз қаласындағы Төле би атындағы №8 гимназия директоры Әлішер Әзімбай, «Үздік шағынжинақталған мектеп» атанған Жуалы ауданындағы Ақтөбе атындағы №25 тірек мектебінің (ресурстық орталық) директоры ГүлнарӘбілдаева, «Үздік ауыл мектебі» ретінде танылған Жамбыл ауданы А.Макаренко атындағы орта мектеп басшысы Мейрамкуль Туребекова, сондай-ақ, «Үздік колледж» номинациясын жеңіп алған Жамбыл жоғары медициналық колледжінің директоры Жамиля Сарыбекова қатысты.
Кездесу барысында Ерұлан Сәбенұлы жеңімпаз білім мекемелерінің басшыларын жаңа оқу жылымен құттықтап, жұмыстарына сәттілік тіледі. Мұнан соң 1000000 теңге көлеміндегі грантты жұмсау тәртібімен таныстырып, түсіндірді. Кездесу соңында мектеп басшылары кәсіподақ ұйымына алғыстарын айтып, ризашылығын білдірді.
Ақпарат үшін айтар болсақ облыстағы үздік білім беру мекемелерін қаржылай көтермелеу шарасы 2015 жылы бастау алған. 2015 жылы - 1, 2016 жылы - 2, 2017 жылы - 3 үздік білім мекемелері 500 000 тг. сертификатына ие болған. 2018 жылы - 3, ал 2019 жылы 5 білім беру мекемесі 1000000 теңгелік сертификат иегері атанған болатын.
Перизат БАҚЫТ
-
Фотографии
-
