КАРАНТИН КЕЗЕҢІНДЕ ЕҢБЕКТІ НОРМАЛАУ МӘСЕЛЕЛЕРІ ТАЛҚЫЛАНДЫ
«Қазақстандық салалық білім және ғылым қызметкерлерінің кәсіптік одағының Маңғыстау облыстық ұйымы» ҚБ мен Ақтау қалалық білім бөлімінің ұйымдастыруымен жекеменшік балабақша басшыларының қатысуымен видеоконференциясы өткізілді.
Online жиынға Ақтау қаласындағы 38 жекеменшік балабақша басшысы қатысып, еліміздегі төтенше жағдай кезеңінде еңбекақы төлемі, еңбекті нормалау және мемлекеттік сатып алу тапсырысы бойынша өзекті мәселелерді талқылады.
Жұмыс берушілерге нормативтік құжаттар негізінде нақты түсініктер мен кеңестер берілді және еңбек қызметкерлерінің еңбек нормаларын реттеу барысында ҚР Еңбек кодексі, «Педагог мәртебесі туралы» заңдарды басшылыққа алуға ұсыныс берілді.
«Қазақстандық салалық білім және
ғылым қызметкерлерінің кәсіптік одағының
Маңғыстау облыстық ұйымы» ҚБ
