СПАРТАКИАДА ӨТТІ
Ағымдағы жылдың 19-26 желтоқсан күндері ҚР Тәуелсіздік күніне орай «Қазақстандық салалық білім және ғылым қызметкерлері кәсіптік одағының Атырау облыстық ұйымы» ҚБ мен облыстық Білім беру басқармасы Атырау аймақтық дене тәрбиесі және спортты дамтыу орталығымен бірлесе отырып, колледж оқытушылары арасында спартакиада өткізді. Жарысқа қала және аудандардан 13команда қатысып, барлығы 585 оқытушы спорттың 6 түрінен (баскетбол, гандбол, шахмат, тоғызқұмалақ, үстел теннисінен) сынға түсті. Жарыс қорытындысы бойынша жалпы командалық орынды: Бірінші орынды – Индер көпбейінді ауыл шаруашылық колледжісі, екінші орынды – С.Мұқашев атындағы Атырау политехникалық және үшінші орынды Атырау энергетикалық және құрылыс колледжісінің командалары иеленді.
Жеңімпаздар диплом, медаль, кубоктармен және «Қазақстандық салалық білім және ғылым қызметкерлері кәсіптік одағының Атырау облыстық ұйымы» ҚБ бағалы сыйлықтарымен марапатталды.
Сандуғаш ҚАПСЛИХОВА, «Ұстаздық еңбек»
-
Фотографии
-
