Новости территориальных организаций

Батыс Қазақстан облыстық білім және ғылым қызметкерлерінің кәсіподағы Жарғыға сәйкес ағымдағы жылдың 12 желтоқсан айында кезекті Пленум отырысын өткізді. Пленум жұмысына шақырумен пленум мүшелері, сонымен қатар қалалық және аудандық бастауыш ұйым өкілдері қатысты.

Осы орайда кәсіподақ төрағасы Марат Даупаев Батыс Қазақстан облыстық білім және ғылым қызметкерлері кәсіподағының Атқару комитетінде бекітілген 2020 жылға арналған жұмыс жоспарымен таныстырып, «Мүшелік кәсіподақ жарналарын төлеу, бөлу және жұмсау тәртібі туралы Ережеге» өзгертулер мен толықтырулар енгізу туралы баяндады.

Күн тәртібіне қойылған «Бастауыш кәсіподақ ұйымдар туралы Ережесіне» өзгертулер мен толықтырулар енгізу және «Батыс Қазақстан облыстық кәсіподақ ұйымындағы кәсіподақ мүшелерінің құқықтық мүдделерінің қорғалуы бойынша жұмыстарының жағдайы» туралы облыстық кәсіподақ ұйымының бас маманы – заңгер Гүлжанат Курмангазиева баяндама жасады.

Кәсіподақ саласындағы маңызды мәселелердің бірі – Мүшелік кәсіподақ ұйымдарының 2019 жылдағы «Ақжайық», «Сарыағаш» және т.б. шипажайларда сауықтыру қорытындысы және 2020 жылға жоспар бойынша шипажайлармен келісім шарт жасау туралы облыстық кәсіподақ ұйымының бас есепшісі – Гүлнұр Хаирлиева баяндама жасады.

Пленум отырысында Сырым және Бөрлі аудандық кәсіподақ ұйымдарының жұмыс барысы жөнінде есеп берілді. Отырыс барысында талқылау үшін жарыссөзге пленум мүшелері көтерілген мәселелерді тарқата отырып, өз пікірлерімен бөлісті.

Пленум соңында жыл қорытындысы бойынша белсенді кәсіподақ мүшелері М.Өтемісов атындағы Батыс Қазақстан мемлекеттік университеті бастауыш кәсіподақ ұйымының қазынашысы Жұмағыз Мухамбетова «Білім және ғылым қызметкерлерінің кәсіподағына сіңірген еңбегі үшін» белгісімен, Бәйтерек аудандық кәсіподақ ұйымының төрағасы Серік Дусалиев, Жаңақала колледжі бастауыш кәсіподақ ұйымының төрағасы Камидолла Тлеубергенов, Сырым аудандық кәсіподақ ұйымының төрайымы Ләззат Тапаева, Тасқала аудандық кәсіподақ ұйымының төрайымы Ләйлә Габбасова, А.Байтұрсынов атындағы №10 жалпы орта білім беру мектебінің математика пәні мұғалімі Роза Давлетовалар Орталық Комитеттің құрмет грамотасымен марапатталды.

Сонымен қатар, мерейтой иесіДарынды балаларға арналған мамандандырылған № 8 облыстық мектебі бастауыш кәсіподақ ұйымының төрайымыСаулия ҚанатоважәнеТеректі аудандық кәсіподақ ұйымының төрайымыҰлдай Сарсеновақұрметті еңбек демалысына шығуына байланысты БатысҚазақстан облыстық білім және ғылым қызметкерлері кәсіподағы тарапынанадресаттар мен заттай сыйлықтар, гүл шоқтары табысталды.

Батыс Қазақстан облыстық білім және
ғылым қызметкерлерінің кәсіподағы