Новости территориальных организаций

Ақтөбе облыстық ғылыми-тәжірибелік орталығының жоспарына сәйкес, Қазақстандық салалық білім және ғылым қызметкерлері кәсіптік одағының Ақтөбе облыстық ұйымының демеушілігімен ағымдағы жылдың 26 қарашасында мектепке дейінгі білім беру саласындағы талантты, шығармашылықпен жұмыс жасайтын білікті тәрбиешілерді анықтау және қолдау мақсатында «Үздік жыл тәрбиешісі» атты байқау ұйымдастырылды.
Шараға аудандардың балабақша тәрбиешілері қатысып, қорытындысы бойынша қатысушылар төмендегідей орындар мен мадақтамаларды иеленді:
Бас жүлде Қобда ауданы, «Шұғыла» бөбекжай-бақшасының тәрбиешісі Кусмагамбетова Улпан Рамазановна, І-орын Мәртөк ауданы, №1 «Тополек» бөбекжай-бақшасының тәрбиешісі Калбаева Гульшат Кадыровна, ІІІ орын: Қарғалы ауданы, «Балапан» балабақшасының тәрбиешісі Абдуллаева Майра Абдуллақызы. «Мамандығына адал», «Жүрек жылуын бүлдіршіндерге сыйлаған», «Педагогикалық ізденіс пен шығармашылығы үшін» номинацияларының иегерлері анықталды.
Жеңімпаздар екіжақты дипломдармен марапатталып, облыстық білім және ғылым қызметкерлері кәсіподағының есебінен шипажайларда және Каспий жағалауында демалу Сертификаттарымен марапатталды.
Номинанттар мен қатысушылар қаржылай сыйақыларға ие болды.
Жеңімпаз тәрбиешілерге үздіксіз ізденіс пен шығармашылық табыстар тілейміз!!!


«Қазақстандық салалық білім
және ғылым қызметкерлері кәсіптік
одағының Ақтөбе облыстық ұйымы» ҚБ