.jpg)
Темірдегі Ұстаздыққа қадам байқауы
Ақтөбе облысы Темір ауданында білім беру саласындағы талантты, шығармашылықпен жұмыс істейтін білікті жас мамандарды анықтау, қолдау және шығармашылық потенциалын ашу мақсатында, ауыл мектептеріндегі жас мамандар арасында «Ұстаздыққа қадам» атты облыстық байқаудың аудандық кезеңі өтті.
Шараға 15 мектептен 5 жылға дейінгі еңбек өтілі бар жас мамандар қатысты. Жарыс қорытындысы бойынша І орынды иеленген Шұбарқұдық гимназиясының биология пәні мұғалімі М.Өтесін облыстық кезеңге жолдама алды. ІІ орынды №2 Шұбарқұдық орта мектебінің мұғалімі Ә.Нұрмұқан, ІІІ орынды №1 Шұбарқұдық мектеп-гимназиясының мұғалімі В.Сұлтанова иеленді. Бабатай орта мектебінің мұғалімі М.Бекенбаева, Кеңесту негізгі мектебінің мұғалімі Е.Қайырбай, Қопа орта мектебінің мұғалімі М.Қожаева номинациялармен марапатталды. Жүлдегерлерге білім, дене шынықтыру және спорт бөлімінің дипломдары мен аудандық білім беру қызметкерлері кәсіподақ ұйымы есебінен сыйлықтар табысталды.
«Қазақстандық салалық білім
және ғылым қызметкерлері кәсіптік
одағының Ақтөбе облыстық ұйымы» ҚБ
