.JPG)
Үздік бастауыш класс мұғалімі – 2019
Жаңартылған мазмұнды бағдарлама бойынша шығармашылықпен жұмыс жасайтын бастауыш класс мұғалімдерін анықтау және оларға қолдау көрсету, үздік педагогикалық тәжірибелерді зерттеу, насихаттау және тарату мақсатында Ақтөбе облыстық ғылыми-тәжірибелік орталығының ұйымдастыруымен және «Қазақстандық салалық білім және ғылым қызметкерлері кәсіптік одағының Ақтөбе облыстық ұйымы» қоғамдық бірлестігінің демеушілігімен «Үздік бастауыш класс мұғалімі - 2019» облыстық байқауы өтті.
Сайыскерлерді бағалау бойынша қазылар алқасының мүшесі болып облыстық кәсіподақтың бас маманы А.Серимбетов қатысты.
Бас жүлдені Ковальчук Ольга Викторовна – Қарғалы ауданы №1 Бадамша орта мектебінің мұғалімі, 1-орынды Мукиева Орынгуль Аменовна –Мұғалжар ауданы, Ембі қалалық №3 орта мектебінің мұғалімі, 2-орынды Кабибулла Гульнур Асылханқызы – Хромтау ауданы №4 орта мектебінің мұғалімі жеңіп алды. Сонымен қатар «Жаңашыл ұстаз», «Ізденімпаз мұғалім», «Заманауи мұғалім», «Шығармашыл ұстаз» номинациялары бойынша номинанттар белгіленді.
Шара қорытындысы бойынша, мұғалімнің еңбегін бағалау ниетімен облыстық ксәіподақ ұйымының төрайымы Р.Серікова жүлдегерлерді құттықтап, облыстық кәсіподақ атынан жеңімпаздарға дипломдар және облыстық білім және ғылым қызметкерлері кәсіподағының есебінен шипажайларда демалуға Сертификаттар, номинанттар мен қатысушыларға сыйақылар табыстады.
Жеңімпаз ұстаздарға жаңашылдық пен үздіксіз ізденіс, кәсіби даму мен шығармашылық табыс тілейміз!
«Қазақстандық салалық білімжәне ғылым қызметкерлері
кәсіптікодағының Ақтөбе облыстық ұйымы» ҚБ
