Новости территориальных организаций

Алматы облыстық білім және ғылым қызметкерлерінің кәсіподақ ұйымы ұстаздар арасында өткізген спартакиаданы қорытындылады.
Екі күнге созылған жарысқа 14 команда қатысып, өздерінің бақтарын сынады.

Шарының алғашқы күнінде шахмат, дойбы, үстел теннисінен шынайы мықтылар анықталса, екінші күні волейболдан жартылай финалға шыққан ерлер мен әйелдер, шағын футболдан ерлер командасы жарыс жолында жолықты.
Тоғызқұмалақтан қатысушылар жеті ойын өткізіп, ақтық мәреде жеңімпаздар нақтыланды. Спартакиада қорытындысы облыс орталығындағы «Жастар» спорт кешенінде өтті.

Онда Алматы облыстық білім және ғылым қызметкерлері кәсіподақ ұйымының төрағасы Садық Әбдіқадыров сөз алып, шараны ұйымдастыруға көмек көрсеткен «Жастар» спорт кешенінің директоры Өмірбеков Талғат Жақыпбекұлы және Оқушылар сарайының директоры Есболова Ләззат Мұқаметқалиқызына облыстық ұйымның атынан алғыс білдіріп, бағалы сыйлығын табыс етті.
Сонымен қатар, жарыс қатысушылары жоғары деңгейде дайындықпен келгендіктерін жеткізіп, алғыстарын білдірді.
Алматы облыстық кәсіподақтар орталығының төрағасы Әсет Серікқалиұлы және жарыстың бас төрешісі Равиль Хамитов жеңімпаздарға облыстық ұйымның дипломдары мен ақшалай сыйлығын табыс етті.
Жарыс қорытындысы бойынша төмендегі спорт түрлерінен командалар марапатталды.

Шағын футбол:
І орын - Талдықорған жоғары политехникалық колледжі,
ІІ орын - Кербұлақ ауданы,
ІІІ орын - Талдықорған қаласы.
Волейболдан ерлер арасында:
І орын - Кербұлақ ауданы,
ІІ орын - Панфилов ауданы,
ІІІ орын - Алакөл ауданы.

Волейболдан әйелдер арасында:
І орын - Текелі қаласы,
ІІ орын - І. Жансүгіров атындағы Жетісу мемлекеттік университеті,
ІІІ орын - Кербұлақ ауданы.

Үстел теннисінен:
І орын - Ескелді ауданынан келген Қанат Амангелдіұлы, Бағлан Ошақбаева,
ІІ орын - Талдықорған жоғары политехникалық колледжінің ұстаздары Меруерт Маралбаева, Арнұр Нысанғалиев,
ІІІ орын - І.Жансүгіров атындағы Жетісу мемлекеттік университетінен келген Тілепбай Нағымбаев, Толғанай Сүлейменовалар еншіледі.

Шахмат, дойбы, тоғызқұмалық сынды жекелеген спорттық жарыстарда жүлделі орындарды иеленген ұстаздарға дипломдер мен ақшалай сыйлықтар табысталды.

Командалық есепте І орынды Кербұлақ ауданы емденіп, облыстық ұйымның ауыспалы кубогы және үш жүз мың теңге ашқалай сыйлығын жеңіп алды. ІІ және ІІІ орынды І.Жансүгіров атындағы Жетісу мемлекеттік университеті мен Ескелді ауданы бөлісіп, екі жүз және жүз мың теңге көлемінде қаржылай сыйлығын бөлісті.

Алматы облыстық білім және ғылым
қызметкерлері кәсіподақ ұйымының баспасөз қызметі