Спорттық жарыстар – денсаулық кепілі
«Қазақстандық салалық білім және ғылым қызметкерлерінің кәсіптік одағы» Қоғамдық Бірлестігінің Мұнайлы аудандық кәсіптік одағының және аудандық білім бөлімі, білім ұйлестіру орталығымен бірлесе отырып, ағымдағы жылдың 3 қазан күні білім беру ұйымдарының жаратылыстану-математика және информатика пәні педагогтері арасында президенттік тест сынақтары спорттық жарысы өткізілді.
Сұраныс бойынша барлық білім беру ұйымдарынан 64 педагог пен жанкүйерлері белсене қатысты. Жарыс қызықты әрі тартысты өтті.
Жанкүйерлермен көреремендер әрбір қатысушыға сәттілік тілеп қолдап отырды. Төрешілер әрбір қатысушының орындаған тапсырмаларын жіті бақылап тиісті орындарды ұсынды. Атап айтқанда, білім беру ұйымдарының ер педагогтерінен І орынды Е.Ыскаков №1 орта мектеп мұғалімі, ІІ орынды О. Абылханов №10 орта мектеп мұғалімі мен Ә.Қолдар №5 орта мектеп мұғалімі, ІІІ орынды №6 орта мектеп педагогы А. Актилевов, №11 орта мектеп мұғалімі Е. Конурбаев, Қызылтөбе Лицейі педагогы Б. Дуйсенбаев білім бөлімінің дипломымен және аудандық кәсіподақ ұйымынан бағалы сыйлықтары табысталды.
Ынталандыру сыйлығымен барлық қатысушылар марапатталды.
Мұнайлы аудандық кәсіподақ филиалы
төрайымы Р.Н.Текеева
-
Фотографии
-
