СПОРТТЫ СЕРІК ЕТКЕН САРЫСУЛЫҚ ҰСТАЗДАРДЫҢ СПАРТАКИАДАСЫ
Жамбыл облысы білім және ғылым қызметкерлерінің жергілікті кәсіптік одағының Сарысу аудандық комитетінің ұйымдастырумен «Тәуелсіз елдің спорт сүйер ұстаздары» атты білім және ғылым мекемелері мен ұйымдары арасында VІІІ аудандық спартакиада өтті. Спартакиаданың ашылу салтанаты Жаңатас қаласының Спорт кешенінде өтіп, ары қарай әр спорт түрі белгіленген білім мекемелерінде жалғасты.
Биылғы Жастар жылы мен Жаңатас қаласының 50 жылдығы аясында өткен спартакиаданың басты мақсаты - салауатты өмір салтын насихаттау мен жүзеге асыру, ұлттық спорт, бұқаралық спорт түрлерін ұстаздар арасында дамыту болып табылады. Спартакиадаға білім мекемелері мен ұйымдарынан жалпы 22 команда қатысты. Белгіленген ережеге сәйкес спорт додасында ұстаздар спорттың 9 түрінен жарысты. Атап айтқанда: волейбол, кіші футбол, үстел теннисі, асық ату, тоғызқұмалақ, гір спорты, армрестлинг, жеңіл атлетика және бильярд.
Спартакиада қорытындысы бойынша жалпы командалық есеп бойынша М.Әуезов атындағы мектеп-гимназиясының командасы І орын, Балалар жасөспірімдер орталығы мен аудандық білім бөлімі арасынан құрылған команда ІІ орын және Сарысу атындағы №11 колледжі ІІІ орынды иеленді.
Командалар және жеңімпаздар грамотолар, бағалы сыйлықтармен марапатталды.
Перизат БАҚЫТ
-
Фотографии
-
