БАСТАУЫШ ҰЙЫМДАРҒА АРНАЛҒАН СЕМИНАР
Жамбыл облысының Шу ауданындағы М.Мақатаев атындағы орта мектебінің базасында бастауыш кәсіподақ комитеттері төрағаларына арналған «Кәсіподақ қызметінің негіздері» атты аудандық семинар өтті. Семинарға барлығы 65 бастауыш ұйымның төрағалары мен кәсіподақ үйірмесінің модераторлары қатысты.
Семинардың басты мақсаты – бастауыш ұйымдармен тығыз қарым-қатынас орнату, кәсіподақ мүшелерінің еңбек қатынастарында, жалақы мөлшері мен демалыстарына, аттестациядан өтуге байланысты туындап жатқан сұрақтарына жауап беру, әлеуметтік әріптестік актілерінің тәжірибеде қолдану сұрақтарын талқылау.
Семинардың ашылуында Кәсіподақ төрағасы Ерұлан Мағзымбеков шараның маңыздылығын атап көрсетіп, семинар жұмысына сәттілік тіледі.
- Шу ауданының білім қызметкерлерінің кәсіподағы 4700 аса кәсіподақ мүшесін біріктіретін ірі филиалдардың бірі болып табылады. Ауданда ұстаздардың құқықтары мен мүдделерін қорғау, жұмыс жағдайын жақсарту, әлеуметтік кепілдікті қамтамасыз ету мәселесі оң жолға қойылған. Осы бағыттағы жұмыстарды белсендіре түсіп, ұстаздарға өз еңбекақыларын есептеудің формуласын үйрету, аттестациядан өту ерекшеліктерін ескерту, еңбек заңдылығына байланысты өзгерістер енген заңдар мен нормативтік құқықтық актілермен таныстыру, кәсіподақ ұйымының ақпараттық саясатын жүргізу сынды мәселелер бүгінгі семинарда толығымен қамтылды, - дейді Ерұлан Сәбенұлы.
Семинар барысында Біріккен комитет төрағасы Жанболат Орынбеков ұжымдық шарт арқылы әлеуметтік-еңбек қатынастарын реттеу мәселелері мен педагог қызметкерлердің аттестациядан өтуі туралы баяндама жасап, бастауыш ұйым төрағалары тарапынан түскен сұрақтарға жауап беріп отырды. Семинар модераторлары Бейбіт Бекназаров пен Әлия Джолшибекованың қаралған сұрақтары да әртүрлі әдістер қолдану арқылы қызықты өткізілді.
Іс шара соңында қатысушылардан сауалнама алынып, кері байланыс орнатылды. Семинар қатысушылары алғыстарын білдіріп, осындай мазмұнды шаралардың жиі өтіп тұруын сұранды. Барлық қатысушыларға кәсіподақ оқуынан өткендігін растайтын сертификаттар табысталды.
Бейбіт БЕКНАЗАРОВ
-
Фотографии
-
