Алматы облысы Текелі қаласында сала қызметкерлері арасында баскетболдан жарыс өтті
Спорт – адамзат өмірінің айнасы. Спорттың қай түрімен айналыссаңыз да адамның денсаулығы мықты болатыны анық.
Ұстаздардың ішінде салауатты өмір салтын насихаттау және бос уақыттарын тиімді өткізу үшін білім және ғылым қызметкерлері Текелі қалалық филиалы баскетболдан жарыс өткізді.
Дәстүрге айналған жарысқа қала мектептерінен алты команда қатысып, өзара бақтарын сынады. Ерлер арасында ұйымдастырылған шараға №8 орта мектептің дене шынықтыру пәнінің мұғалімі Дмитрий Кихтевтөрешілік етіп, жарыстың әділ өтуіне ықпал етті.
Екі күнге созылған жарыста І орынды №5 орта мектептің, ІІ орынды №1 орта мектептің және ІІІ орынды №8 орта мектептің ұстаздары иеленді. Жеңімпаздарға білім және ғылым қызметкерлері Текелі қалалық филиалының төрағасы Асан Ақжолтайұлы І, ІІ, ІІІ дәрежелі дипломдар мен бағалы сыйлықтар табыс етті.
Алматы облыстық білім және ғылым
қызметкерлері кәсіподақ ұйымының баспасөз қызметі
-
Фотографии
-
