Қош келдің, Әз-Наурыз!
Ұлыстың ұлы күніне орай, «Өрлеу» Біліктілікті арттыру орталығы» АҚ филиалы Маңғыстау облысы бойынша педагогикалық қызметкерлердің біліктілігін арттыру институтында бастауыш кәсіподақ ұйымының ұйымдастыруымен «Қош келдің, Әз-Наурыз» ұлттық мерекесі аталып өтілді.
Мерекелік шара «Наурыз-думан» әнімен ашылды. Ұлыстың ұлы күніне арналған дастарханнан ұжым қызметкерлері ұлттық тағамдардан дәм татып, ақтан ауыз тиді.
Мерекелік шарада Г. Мамутованың орындауында Ж.Сейіловтің «Еркесылқым» күйі тартылып, домбыраның күміс үні күмбірледі.
З.Абишеваның орындауында М. Мералыұлының «Ақсұңқар» және халық әні «Бір бала» шырқалды. Асық ойналып, арқан тартылып, кір тасы көтерілді. Белсенділік танытқан әріптестерге ұжым басшысының атынан А.Кабылова, А.Рамазанова, Г.Мамутова, З.Абишева, Г.Камысбаеваға «Алғыс» тапсырылды.
Шара соңында ардагер ұстаз Қ. Ванов ұжым қызметкерлеріне игі тілегін арнап, бата берді.
Маңғыстау облысы, «Өрлеу» Біліктілікті арттыру орталығы»
АҚ филиалының бастауыш кәсіподақ ұйымының төрайымы К. Бактиярова
