«Әкем, шешем және мен» эстафеталық спорттық жарыстар
Ағымдағы жылдың 30 қарашасы күні Мұнайлы ауданының, №5 орта мектебінің спорт залында, Қазақстан Республикасының «Тұңғыш Президент»күні мерекесіне орай, ұстаздар отбасылары арасында облыстық«Әкем, шешем және мен»эстафеталық жарысы өтті.
Жарысты ұйымдастырушылар әлеуметтік әріптестік шара аясында бірлескен Маңғыстау облысының білім басқармасы,«Қазақстандық салалық білім және ғылым қызметкерлері Маңғыстау кәсіптік одағының облыстық ұйымы» ҚБ-і мен Маңғыстау аймақтық дене тәрбиесі орталығы.
Жарыстың мақсаты: дене тәрбиесі мен спортты одан әрі дамыту, отансүйгіштік сезімін күшейту, салауатты өмір салтын насихаттау, отбасылық қарым-қатынасты нығайту, дене тәрбиесімен, спортпен тұрақты шұғылдануға тарту.
Ережеге сай жарысқа 10-12 жасөспірім бала және ата-анасынан құралған команда қатыстырылды. Команда құрамы: 3 адамнан: әкесі, шешесі және 1 – баладан құралды. Әр ауданнан және екі қаладан 9 команда қатысты: 1) Жаңаөзен қаласының №18 о/м – «Ақмолдаев жанұясы»; 2) Маңғыстау ауданының А. Өтепбергенов о/м – «Бисенбаев жанұясы»; 3) Түпқараған ауданының Ақшұқыр мектеп-лицейі - «Джолаев жанұясы»; 4) Ақтау қаласының №28 о/м - «Исагулов жанұясы»; 5) Қарақия ауданының Жетыбай кенті о/м - «Жайжанов жанұясы»; 6) Мұнайлы ауданының №5 о/м - «Мусирханов жанұясы»; 7) Ақтау қаласының Дарын мектебі - «Кемалов жанұясы»; 8) Ақтау қаласының №23 о/м - «Кимелов жанұясы»; 9) Ақтау қаласының №8 о/м - «Базаров жанұясы».
Эстафеталық жарыс бағдарламасы:«Сергіту сәті» -дене шынықтыру жаттығулары; «Баскетбол»- Баскетбол добын кедергілер арқылы алып жүру (оң және сол қолмен); «Батпақтан өту»-қатысушылар екі шығыршықты пайдаланып батпақтан өтеді, қалған қатысушыларда осы жаттығуда орындайды.( уақыт, жылдамдық есептеледі); «Жертөледен өту» -қатысушылар төсеніш арқылы алға домалап, өткелден өтіп қайтады. ( уақыт, жылдамдық есептеледі); «Салауатты отбасы»- Әкесі - 16кг. кір тасын көтереді (неше рет), анасы - 1 мин. скакалкадан секіру, (көрсеткіштер қосылып, қорытындаланады);«Арқан тарту»бөлімдерінен тұрды.
Жарыс жеңімпаздары:І орынЖаңаөзен қаласынан №18 орта мектебі – «Ақмолдаевтар жанұясы»,ІІ орынОМИ Дарын – «Кемалов жанұясы»,ІІІ орынТүпқараған ауданынан Ақшұқыр мектеп-лицейі – «Джолаевтар жанұясы» Маңғыстау облысының білім басқармасы, Маңғыстау аймақтық дене тәрбиесі орталығы тағайындаған «Қазақстандық салалық білім және ғылым қызметкерлерінің кәсіптік одағының Маңғыстау облыстық ұйымы» ҚБ-нің медаль, кубок, дипломдары және мадақтамаларымен марапатталды.
Жарыс өте қызықты, тартымды болып өтті.
Қазақстандық салалық білім және ғылым қызметкерлері
кәсіптік одағының Маңғыстау облыстық ұйымы” ҚБ-нің хатшысы
-
Фотографии
-
