«Үміт» облыстық шығармашылық өнер фестивалі
Ағымдағы жылдың 30 қараша күні Ақтау қаласының Мұрат Өскенбаев атындағы облыстық филармонияның концерт залында, ерекше білім беруге қажеттіліктері бар балалар арасында дәстүрлі«Үміт»облыстық шығармашылық өнер фестивалі ұйымдастырылып өткізілді.
Ұйымдастырушылар: Маңғыстау облысының білім басқармасы, Маңғыстау облыстық мектепке дейінгі тәрбие мен оқыту орталығы.
Қатысушылар: Маңғыстау облысы әкімінің орынбасары, Маңғыстау облысы білім басқармасының, «Өрлеу» БАҰО АҚ филиалының қызметкерлері, Үкіметтік емес ұйымдар, БАҚ өкілдері, мектепке дейінгі ұйым басшылары, облыстық арнайы балабақшалар және облыстық мектеп-интернат басшылары, тәрбиешілері мен тәрбиеленушілері.
Шараның мақсаты: Арнайы мектепке дейінгі ұйымдарда тәрбиелентін ерекше қажеттіліктері бар балалардың қоғамдағы әлеуметтік статусын, шығармашылық потенциалын көрсете білу, дарынды тұлғаларды анықтау, оларды қолдау, ынталандыру.
Фестивальге қатысушылар мен қонақтар арнайы балабақшалар тәрбиеленушілерінің шығармашылығынан ұйымдастырылған «Біз – Қазақстан балаларымыз! Біз жаңа әлемде өмір сүреміз!» атты сурет көрмесін тамашалады.
Ерекше білім беруге қажеттіліктері бар балалар арасында өткізілген «Үміт»облыстық шығармашылық өнер фестиваліне қатысқан әрбір бүлдіршіндерге дипломдар мен ойыншықтар сыйға берілді.
Сонымен қатар, «Сиқырлы қылқалам» номинациясы бойынша сырттай сурет байқауының жеңімпаздары марапатталып, дипломдар мен сыйлықтар берілді.
Шарада 60 ерекше қажеттіліктері бар балалар өз өнерлерін әр номинация бойынша көрсете білді. Фестивалде облыстық кәсіподақ ұйымының маманы Асылтас Базарбайқызы Аманиязова ұйым атынан, ұйымдастырушыларға алғыс айта отырып, балаларға алдағы уақытта да жоғары белестерден көріне берулеріне тілектестігін білдірді.
Шара көрермендері, ата-аналар, демеушілер ыстық ықыластарын білдірді.
Фестиваль соңында барлық қатысушы балалар кафеге түскі мерекелік асқа шақырылып, көңілді клоундар балаларды шат күлкіге кенелтті.
Қазақстандық салалық білім және ғылым қызметкерлері
кәсіптік одағының Маңғыстау облыстық ұйымы” ҚБ-нің хатшысы
-
Фотографии
-
