Новости территориальных организаций

Қызылорда облыстық кәсіподақ комитетінің ұйымдастырылуымен 02 қараша күні Асқар Тоқмағамбетов атындағы мәдениет үйінде «Жолдау – өрлеу өзегі!» атты облыстық үгіт-насихат бригадалар байқауы өтті.
Еңсесі биік егеменді еліміздің болашақ ұрпағына білім мен тәрбие нәрін ұялатқан ұстаздар қауымы қай кезде болмасын қоғамның жаңашыл идеясын қолдаушы бірден бір тұлға. Елбасымыздың сарабдал саясатын ұрпақ тәрбиесіне сіңіруші, келешек қоғам негізін қалыптастырушы да ұстаздар.
Үстіміздегі жылдың 5 қазан айында Қазақстан Республикасының Президенті Нұрсұлтан Әбішұлы Назарбаевтың «Қазақстандардың әл-ауқатының өсуі: табыс пен тұрмыс сапасын арттыру» - атты жолдауында көрсетілген басым бағытына баса назар аударып, жалпы білім беру саласына және білім ұйымдарына жасалып жатқан жағымды жаңалықтарды насихаттау, дәріптеу. Мектептердегі белсенді жастардың шығармашылық қабілеттерін арттыру, оған тың серпін туғызу.
Байқауға облыс бойынша өткізілген сайыс қорытындысымен 8 команда сахна төрінде бақ сынасты.

1. Арал ауданы «Жалын» командасы
2. Қазалы ауданы, «Жарқын болашақ» командасы
3. Қармақшы ауданы, «Рухани Times» командасы
4. Жалағаш ауданы, «Жалағаш жастары» командасы
5. Сырдария ауданы, «Кемел болашақ» командасы
6. Шиелі ауданы, «Нұрлы ғасыр» командасы
7. Жаңақорған ауданы, «Нұрлы болашақ» командасы
8. Қызылорда қаласы, «Мәңгілік ел» командасы

Байқау қорытындысы бойынша «Ең үздік үгіт топ» Сырдария ауданының «Кемел болашақ» командасы жеңімпаз атанып «Жұмбақтас» пансионатына 5 күндік демалысқа жолдама алды.
Сонымен қатар, Арал ауданының «Жалын» командасы «Жарқын идея» номинациясымен, Қазалы ауданының «Жарқын болашақ» командасы «Белсенді тәлімгер» номинациясымен, Қармақшы ауданының «Руханият Times» командасы «Үздік шығармашыл топ» номинациясымен, Жалағаш ауданының «Жалағаш жастары» командасы «Елжанды насихатшы» номинациясымен, Шиелі ауданының «Нұрлы ғасыр» командасы «Үздік әуенді ұжым» номинациясымен, Жаңақорған ауданының «Нұрлы болашақ» командасы «Үздік насихаттаушы» номинациясымен, Қызылорда қаласының «Мәңгілік ел» командасы «Үздік сценарий» номинациясымен марапатталып, әр топтың белсенді қатысушысына «Жұмбақтас» пансионатына жолдама тапсырылды.

Обыстық кәсіподақ комитеті