Новости территориальных организаций

2018 жылдың 3 қазан күні аудандық білім бөлімі мен аудандық білім қызметкерлері кәсіподақ комитетінің ұйымдастыруымен «Ұстаз деген – ұлылардың ұлысы, Қасиетіңе бас иелік мәңгілік!» атты салтанатты шара аудандық мәдениет үйінде өткізілді. Шараға білім саласының ардагерлері, ұстаздары, аудан әкімшілігінің қызметкерлері қатысты.
Аудан әкімінің орынбасары Қошалақов Әділ Үсенұлы ұстаздарды төл мерекесімен құттықтап, 15 ұстазды және 80,75,70 жас мерейтой иегерлерін марапаттаса, аудандық білім бөлімінің басшысы Омаров Жарқын Тұрмаханұлы Қазақстандық салалық білім және ғылым қызметкерлерінің кәсіптік одағының «Құрмет грамотасы», облыстық білім басқармасы мен облыстық кәсіподақ комитетінің бірлескен «Құрмет грамотасы» және «Үздік білім ордасы - 2018» номинациясы иелері марапатталып, сыйлықтар табыс етілді.
Еңбек күнін атап өту мақсатында үздік еңбек әулеттері мен жұмыскерлерін айқындайтын республикалық «Еңбек жолы» байқауының шеңберінде аудандық озат ұстаздары белгіленді. Аталған байқау Мемлекет басшысының «Жалпыға ортақ Еңбек қоғамы» идеясының аясында еңбек адамының қоғамдағы беделін арттыруға және өнімді еңбек етуіне ынталандыруға ықпал етеді. «Еңбек жолы» атты байқаудың жеңімпаздары: «Үздік еңбек әулеті - 2018» номинациясымен Қиясовтар ұстаздар әулетін, «Жастардың үздік тәлімгері - 2018» номинациясымен № 79 негізгі мектептің мұғалімі Асанова Күлзира Әбдірейқызын, № 121 орта мектептің мұғалімі Қаржаубаева Зауре Жұбанқызын, «Үздік жас маман - 2018» номинациясымен №21 «Тоғжан» ясли-бақшасының музыка жетекшісі Төлебаева Гауһар Темірбекқызын, №277 орта мектептің мұғалімі Жанұзақұлы Назарбекті және № 30 орта мектептің мұғалімі Оңдашов Нұржан Оразалыұлын аудандық білім қызметкерлері кәсіподақ комитетінің төрайымы Молдабаева Жұлдызай Кетебайқызы марапаттады.
Және балалар мен жасөспірімдердің жазғы демалысын ұйымдастыруда күндізгі тынығу лагерлері арасында «Жаз-2018» байқауының қорытындысы бойынша жеңімпаздар (№109, №79, №85, №250, №113, №80, №186 мектептері бағалы сыйлықтармен) марапатталды.
Салтанатты шарада аудандық білім қызметкерлері кәсіподақ комитеті жанынан құрылған «Жас қанат» жастар қанатының мүшелері ән айтып, би билеп, белсене атсалысты.

Қызылорда облысы, Қармақшы ауданы