ҚОРДАЙДАҒЫ КӘСІПОДАҚТАР КҮНІ
Кәсіподақтардың негізгі қызметі әрбір жұмысшының құқығы мен мүддесін қорғауға бағытталған. Елбасы Нұрсұлтан Назарбаев әлеуметтік қатынастарды қалыптастыруға, жұмысшылардың құқықтық сауаттылығы мен белсенділігін арттыруға, еңбек дауларын реттеуге кәсіподақтардың қатысуын міндеттеген болатын.
Осы мақсатта қызмет жасап жүрген Кәсіподақтың Қордай аудандық комитетінің ұйымдастыруымен «Ертөстік», «Ботақан» «Бүлдіршін» және «Достық» балабақшаларында жас мамандар арасында спорттық жарыстар өтіп, сахналық көріністер қойылды. Ауданымыздағы Арал ауылындағы №25 және Жамбыл ауылындағы №26 мектеп ұжымдары мереке қарсаңында табиғатқа саяхат жасап, әр кәсіподақ мүшелерінің бірлігін насихаттау жұмыстарын жүргізді.
Білім беру ұйымдарында кәсіподақтар бұрышы безендіріліп, құттықтау сөздер жазылып, ұжым арасында белсенді қызметкерлерді марапаттау рәсімдері өтті. Сортөбе ауылындағы №17 және №18 және Аухатты ауылындағы №9 орта мектеп ұжымдарының арасында волейболдан жарыс ұйымдастырылып, жеңімпаздар аудандық кәсіподақ тарапынан бағалы сыйлықтармен марапатталды.
Перизат БАҚЫТ
-
Фотографии
-
