«Ең үздік бастауыш кәсіподақ ұйымы» байқауының іріктеу кезеңі өтті
Білім және ғылым қызметкерлері Талдықорған қалалық кәсіподақ комитеті Қазақстан Республикасының Кәсіподақтары күніне орай «Ең үздік бастауыш кәсіподақ ұйымы» байқауы өтті.
Байқау бастауыш кәсіподақ ұйымдарының жұмысын жандандыруға, жұмыс тиімділігін арттыруға, сонымен қатар бастауыш ұйымдарының қызметінде жаңа формалар мен технологияларды қолдануда тәжірибе жинақтап, таратуға, кәсіподақтың беделін арттыруға бағытталды.
Облыс орталығындағы Бақтыбай Жолбарысұлы атындағы №18 орта мектеп-лицейінде өткен байқау қатысушылары өздерін таныстырып, қызметі туралы бейнематериалдарын ұсынды.
Қатысқан бастауыш кәсіподақ ұйымдары жоғары деңгейдегі дайындықтарымен келіп, көрермендердің, әділқазылар алқасының көңілінен шықты.
Қазылардың шешімі бойынша төмендегі білім беру мекемелеріндегі бастауыш кәсіподақ ұйымдары жүлделі орындарға ие болды:
Бас жүлде - Абай атындағы №1 орта мектеп-гимназиясы (төрайымы Рахымбаева Э.Н.);
I орын - №7 балабақшасы (төрайымы Жұмашева М.К.);
II орын - №4 орта мектебі (төрайымы Ибраимова Ә.Р.);
II орын - №15 бөбекжай балабақшасы (төрайымы Файзуллина А.Г.);
III орын - М.Жұмабаев атындағы №19 орта мектеп-гимназиясы (төрайымы Шаяхметова А.А.);
III орын - №2 орта мектебі (төрайымы Махамбетова С.Н.);
III орын - №45 «Арман» балабақшасы (төрайымы Жұмашева А.Қ.).
Сонымен қатар, «Шығармашылықпен жұмыс істейтін бастауыш ұйымы», «Креативті жұмыс істейтін бастауыш ұйымы», «Әлеуметтік қолдауды ұйымдастырушы - жаңашыл бастауыш ұйымы», «Мықты кәсіподақ - мықты бастауыш ұйымы», «Ізденімпаз бастауыш ұйымы» номинациялары бойынша ұйымдар анықталды. Сырттай өткізілген «Кәсіподақ күші – бірлікте» сурет байқауының және «Еңбекті қорғау жөніндегі техникалық инспектор» байқауының қорытындысы шығарылды.
Жеңімпаздар қалалық кәсіподақ комитетінің дипломдары және бағалы сыйлықтарымен марапатталды.
АЙГҮЛ ЖӨНКЕБАЕВА,Талдықорған қалалық
кәсіподақ комитетінің маманы
-
Фотографии
-
