ҮЗДІКТЕР БУРАБАЙДА ДЕМАЛАДЫ
Жамбыл облысы Т.Рысқұлов ауданы білім беру қызметкерлері кәсіподақ комитетінің 10 маусым - Қазақстан Республикасы Кәсіподақтар күнін атап өту жоспарына сәйкес барлық білім беру ұйымдарында мерекелік іс-шаралар ұйымдастырылып, өткізілді. Кәсіподақтың жастар қанатын ынталандыру мақсатында Абай орта мектебінде «Беделді қоғамға - белсенді кәсіподақпен!» атты жас кәсіподақ мүшелерінің форумы өтті. Жыл бойы белсенді жұмыс жасаған 8 жас маман аудандық кәсіподақ ұйымының Алғыс хатымен марапатталды.
Сонымен қатар, барлық білім беру ұйымдарында «Еңбек адамының мүддесі - кәсіподақ ұйымының міндеті», «Басты құндылық - еңбек адамы», «Табысты біліммен - табысты кәсіподаққа!» тақырыбтарында шаралар өткізілді. Ә.Бөкейханов атындағы орта мектебінде «Жасай бер, жаса Кәсіподақ!» атты салтанатты жиын білім беру мекемелерінің басшылары мен кәсіподақ ұйымының төрағалары, жергілікті билік және БАҚ өкілдері, кәсіподақ ардагерлерінің қатысуымен өтті. Салтанатты шарада кәсіподақ белсенділері облыстық кәсіподақ ұйымы мен облыстық білім басқармасының, аудандық кәсіподақ комитетінің Құрмет грамоталарымен марапатталды. Сондай-ақ, байқау қорытындылары бойынша «Үздік бейнеролик» номинациясы бойынша М.Нұрмағамбетова, «Үздік бюллетень» номинациясы бойынша М.Сегізбаева, «Үздік эссе» номинациясы бойынша А.Таттибекова, «Үздік мақала» номинациясы бойынша М.Бибосынов, «Үздік өлең» номинациясы бойынша Д.Аденова марапатталып, жеңімпаздарға бағалы сыйлықтар табыс етілді.
Барлық 56 бастауыш кәсіподақ көшбасшыларына білім саласындағы еңбектері үшін ақшалай сыйақы және кәсіподақ мүшелерін ынталандыру мақсатында 10 кәсіподақ белсендісіне «Астана-Бурабай» туристік саяхатына тегін жолдама берілді.
Перизат БАҚЫТ
-
Фотографии
-
