«Жасstar» - кәсіподақ клубының алғашқы жұмысы
2018 жылдың 18 мамыр күні Атырау облысының білім және ғылым саласы қызметкерлері кәсіподақ ұйымының қолдауымен құрылған «Жасstar» кәсіподақ жастары клубы мүшелерімен және жоғары оқу орындарының, колледждердің белсенді жастары қатынасқан бір күндік семинар-тренинг өткізілді.
Жастардың таңдауымен «Көшбасшылық. Ораторлық өнер. Уақытты тиімді пайдалану» тақырыптарында өткізілген семинар - тренингті «Қазақстандық салалық білім және ғылым қызметкерлері кәсіптік одағының Атырау облыстық ұйымы» қоғамдық бірлестігінің төрағасының міндетін атқарушы Жанар Сарсенгалиева ашып, сәттілік тіледі.
Аталған шараның мақсаты - жас ұстаздардың сөз сөйлеу шеберлігін, өздерін ортада ұстау белсенділігін, көшбасшылық қабілетін, топпен жұмыс жасауын дамыту.
Семинар-тренингті Мәскеу қаласындағы «Риторика және Ораторлық шеберлік» университетінің лицендаты Нұрлан Азаматов пен Республикалық, аумақтық дебаттық турнирлардың жүлдегері Жұмабай Ануар жүргізді.
Тренингте жастардың сөз сөйлеу еркіндігі, белсенділігі таныла түсіп, өз ойларын ашық айта алатын белсенді жастардың көп екендігіне тағы бір мәрте көз жеткізгендей болдық. Тренингтің соңында «Work and life» тренинг орталығының арнайы сертификаттары табыс етілді.
Осындай игі шаралар алдағы уақытта да жалғасын табады.
Өз тілшіміз
-
Фотографии
-
