ОРАЛ ҚАЛАЛЫҚ БІЛІМ КӘСІПОДАҒЫ ҚОЛДАУ КӨРСЕТТІ
Ағымдағы жылдың 27 қаңтар күні Орал қалалық №50 жалпы орта білім беретін мектебінде қалалық білім беру бөлімінің технология, бейнелеу өнері әдіскері Нұрбану Ракишованың ұйымдастыруымен көркем еңбек және графика мұғалімдері арасында «Хай-тек» стильінде заманауи интерьердегі бөлме макеті байқауы өткізілді.
Байқау БҚО Орал қалалық кәсіподақ комитеті – Филиалының қолдауымен өтті.
Қалалық білім беру бөлімінің әдістемелік кабинетінің жұмыс жоспарына сәйкес байқау өткізудегі мақсат – мұғалімдердің кәсіби деңгейін көтеру, тәжірибе алмасуына бағыт – бағдар беру, ақпараттық технологияларды пайдаланып, шығармашылықпен жұмыстануына қолдау көрсету, жаңа форматтағы оқу бағдарламаларын шығармашылық жұмыстарға пайдаланудағы шеберлігін анықтау және тың тақырыптардың тәжірибемен байланысуы.
Барлық байқауға қатысушылардың ұсынған жұмыстардың орындалу стилі мен бағыттары бойынша ерекшеленіп, техникалық тұрғыда өте ұқыпты жасалғанымен, қазылар алқасының әділ шешімімен «үздік» деп танылған жұмыстар жоғары бағаланып, жүлделі орындарға ие болды.
Атап айтқанда, жүлделі ІІІ – орын иеленгендер: Азамат Калиев (№5ЖОББМ), Вадим Акбулатов (12 ЖОББМ), Әдилжан Ташанов (А.Тайманов атындағы №34 мектеп - гимназиясы) иеленсе, ІІ – орынғаНұралы Қанатұлы (Д.Қонаев атындағы №44 мектеп - гимназиясы), Әсем Әдиева (№39 ЖОББМ) ие болды.
Ал, жүлделі І – орынды Жанғазы Хайролла (№26 ЖОББМ) жеңіп алды.
БҚО Орал қалалық кәсіподақ комитеті – Филиалы атынан маман Айнұр Тәутенова байқауды ұйымдастырушылар мен байқауға қатысушы мұғалімдерді құттықтап, шығармашылық табыс тіледі.
Барлық қатысушылар қалалық білім беру бөлімі және қалалық білім және ғылым қызметкерлері кәсіподағының дипломдары, алғыс хаттарымен және естелік сыйлықтарымен марапатталды.
БҚО ОРАЛ ҚАЛАЛЫҚ КӘСІПОДАҚ КОМИТЕТІ – ФИЛИАЛЫ
