Новости территориальных организаций

Ақтөбеде математика пәні мұғалімдеріне арналған Республикалық «Математикалық регата» олимпиадасы өз мәресіне жетті. Білім бәсекесі ҚР Оқу-ағарту министрлігінің «Дарын» республикалық ғылыми-практикалық орталығы, облыстық білім басқармасының ұйымдастыруымен өтті. Шараның жоғары деңгейде өтуіне атсалысып, қолдау көрсеткен демеушілердің қатарында Ақтөбе облыстық білім және ғылым қызметкерлерінің кәсіподақ ұйымы да бар.

Олимпиадаға еліміздің түкпір-түкпірінен 23 команда, 100-ге тарта мұғалім қатысты.

Білім бәйгесінің мақсаты: математика пәні мұғалімдерінің кәсіби қызметіндегі жоғары нәтижелерге жетудегі ұмтылысын арттыру, шығармашылықпен жұмыс жасайтын педагогтерді анықтау, қолдау және марапаттау,мұғалім мамандығының қоғамдағы алатын орнын, кәсіби шеберлігін таныту, мұғалімдердің мәртебесін көтеру; озық педагогикалық тәжірибелерді жинақтау, тарату және насихаттау болып табылады.

Олимпиада қорытындысы бойынша 6 құрама команда жеңімпаз атанды:

І орын: Алматы қаласының «Жалын» командасы;

ІІ орын: Жетісу облысының «Жетісу шыңы» командасы мен Шығыс Қазақстан облысының «East_Math_Teachers» командасы;

ІІІ орын: Ақтөбе облысының «Ақтөбе» командасы, Алматы облысының командасы, Назарбаев Зияткерлік мектебінің «Вектор NIS» командасына берілді.

Жеңімпаздар Қазақстан Республикасы Оқу - ағарту министрлігінің «Дарын» РҒПО-ның І, ІІ, ІІІ дәрежелі дипломдарымен марапатталды.

Бесекеге қабілетті, білікті педагог мамандарға әрдайым қолдау көрсететін салалық білім кәсіподағы да ҚР Оқу-ағарту министрлігінің «Дарын» республикалық ғылыми-практикалық орталығының Алғыс хатына ие болды.