ЖАҢАЛЫҚҚА ЖАНЫ ҚҰМАР МҰҒАЛІМ
Сапалы білім – табысты болашақтың кепілі. Қазіргі таңда білім сапасын арттыруда цифрлық технологияларды қолданудың маңызы өте жоғары. Оны қолдану және одан нәтиже шығару әр мұғалімнің кәсіби біліміне, іскерлігіне, дағдысына тікелей байланысты.
Мектептерде цифрлық білім беру ортасын қалыптастыру қажеттілік болып табылады, өйткені мектептің міндеті – жоғары дамыған ақпараттық қоғамда білімін жалғастыруға дайын, қажетті құзыреттер мен құзыреттіліктер жиынтығы бар жан-жақты дамыған түлек дайындау. Осы мақсатта цифрлық технологияларды пайдалана отырып, дәстүрлі оқыту әдістерін жаңа әдістермен ұштастырып оқушылардың оқу үлгерімі деңгейін және білім сапасын арттыруға үлесін қосып келе жатырған мектебіміздің жаңалыққа жаны құмар ұстазын таныстыруды жөн санап отырмын.
Сагиндикова Сандугаш Кадиргалиевна, Ақтау қаласындағы «№13 гимназиясы» коммуналдық мемлекеттік мекемесінің информатика пәні мұғалімі. Аталған білім беру ордасында 2011 жылдан бері жұмыс жасап келеді. 2011 жылы тәлімгерлік қызметті атқарса, 2013-2020 жылдар аралығында директордың тәрбие ісі жөніндегі орынбасары қызметін атқарды.
Санаты – педагог сарапшы. Өмірлік ұстанымы – үйрену мен үйрету. Әріптестері арасында сыйлы ұстаз Сандугаш Кадиргалиевна біраз жетістіктерді бағындырды. Оқушылары да қалалық, облыстық, республикалық пәндік олимпиадалар мен шығармашылық байқаулардың жеңімпаздары.
Қазіргі таңда Сандугаш Кадиргалиевна ұстаздардың әдістемелік және цифрлық құзіреттіліктерін арттыру мақсатында youtube (Сандугаш Кадиргалиевна) және telegram («Ұстазға көмек және керек») каналдарын жүргізіп келеді. Аталған желілерде ұстаздарға пайдалы дүниелер ұсынып, көпшілік ұстаздардың сабағының қызықты өтуіне үлесін қосуда. Әріптестері арасында сыйлы маманның ел ұстаздарына тигізіп отырған үлесі зор.
Жаңалыққа жаны құмар ұстаз әр сабағының ұмытылмастай өтуінде түрлі цифрлық құралдарды қолданып, оқушылардың сүйікті ұстазына айналған. Қоғамдық іс-шараларға белсенді қатысады.
Білімді де білікті маман әлі де әріптестеріне, жас ұрпаққа сапалы білім, саналы тәрбие, мол рухани азық берері хақ.
Р.Бекова,
Маңғыстау облысы, Ақтау қаласы, «№13 гимназиясы» бастауыш кәсіподақ ұйымының төрайымы.
