ОТБАСЫЛЫҚ ЭСТАФЕТА СПОРТТЫҚ САЙЫСЫ
Маңғыстау облысының Білім басқармасының Маңғыстау аймақтық дене тәрбиесі орталығының ұйымдастыруымен 2023 жылдың 15 қыркүйек күні Отбасы күніне орай «Бір отбасы - бір команда» облыстық отбасылық эстафета спорттық сайысы өтті. Сайысқа Ақтау, Жаңаөзен қалалары, Бейнеу, Қарақия, Маңғыстау, Мұнайлы аудандарынан 6 команда қатысты.
Отбасылық сайысқа қатысқан команда құрамында ата-ана, ұлы немесе қызы болып 3 адамнан қатысты. Ата-ананың біреуі ұстаз болуы алдын ала тапсырылып, команда сол мектеп атынан сайысқа шықты. Сайыс бес кезеңге бөлініп, әрбір кезеңде отбасы мүшелері өздерінің шеберліктерін көрсетті. Жарыс өте қызықты және тартысты өтті. Жарыс қорытындысы бойынша Қарақия ауданының №8 жалпы білім беретін мектебінің командасы жеңімпаз атанды.
Мұнайлы ауданының Ш.Мұңалұлы атындағы №5 жалпы білім беретін мектеп және Маңғыстау ауданы Өтес жалпы білім беретін мектеп командалары 2 орынды иеленді. Бейнеу ауданының Бейнеу жалпы білім беретін мектебінің командасы, Ақтау қаласы М.Әуезов атындағы №20 жалпы білім беретін мектеп командасы, Жаңаөзен қаласы №22 жалпы білім беретін мектеп командасы 3 жүлделі орынға ие болды.
Жеңімпаз жүлдегер атанған командаларға командалық диплом, кубок, команда мүшелеріне грамота, медаль табысалды. Қатысушы әрбір командаға Маңғыстау облыстық кәсіподақ ұйымы тарапынан «Спорт Мастер» дүкенінің ақшалай сертификаттары табысталды.
Сондай-ақ, отбасындағы ұстаздарды қолдап келген туыстарына бұқаралық спортты дамытуға қосқан үлесі үшін Алғыс хат берілді.
Маңғыстау облыстық кәсіподақ ұйымы
-
Фотографии
-
