ТЕРЕКТІДЕ ТУРИСТІК ФЕСТИВАЛЬ ӨТТІ
Батыс Қазақстан облысы, Теректі ауданында ағымдағы жылдың 14 -15 қыркүйек күндері Халықаралық туризм, ұстаздар және Қазақстан Кәсіподақтары күніне арналған білім қызметкерлері арасында аудандық «Европа -Азия 2023» жарысы өтті.
Жарыстың мақсаты: туризм техникасын дамыту және спорттық шеберліктерін шыңдау, салауатты өмір салтын насихаттау, білім қызметкерлері арасында достық қарым-қатынасты нығайту болды.
Аудандық шараға 14 команда қатысып, бақтарын сынады. Жарыстың ашылу салтанатында аудандық білім беру бөлімінің басшысы Максим Энгелов пен аудандық кәсіподақ комитетінің төрайымы Ұлдай Сарсенова қатысушы командаларға сәттілік тілеп, құттықтау сөз сөйледі. Жарыс бағдарламасы бойынша бірінші «Өткелдер» қашықтығы, «Спорттық бағдарлау» қашықтығы, «Кросс – жорық» қашықтығы, «Туристік тағам» байқауы қашықтығы және «Екі жұлдыз» кезеңдерінен тұрды.
Жарыс қорытындысы бойынша «Өткелдер» қашықтығы бойынша Шаған ЖОББМ командасы І орын, Федоровка №1 ЖОББМ және Подстепный №1 ІІ орынды иеленсе, Магистральный ЖОББМ командасы жүлделі ІІІ орыннан көрінді.
«Кросс – жарық» қашықтығы бойынша жүлделі І орынды Подстепный №1 ЖОББМ командасы, ІІ орында Федоровка №1 ЖОББМ, ІІ орынды Ақсуат ЖОББМ командасы иеленді.
«Екі жұлдыз» байқауы бойынша жүлделі І орынды Ақжайық ЖОББМ командасы, ІІ орынды аудандық білім беру бөлімі командасы мен Магистральный ЖОББМ командасы иеленді.
«Туристік тағам» байқауы бойынша жүлделі І орынды Подстепный №1 ЖОББМ, ІІ орынды аудандық білім беру бөлімі командасы, ІІІ орынды Подстепный ЖОББМ командасы иеленді.
Барлық командалар аудандық кәсіподақ ұйымының атынан Диплом және Алғыс хаттармен марапатталып, бағалы сыйлықтар табысталды.
