АЛҒАШ ӘРІП ТАНЫТҚАН, ҰСТАЗ ДЕГЕН ЖАРЫҚ ТАҢ...
Шығыс Қазақстан облысы Риддер қаласында мұғалімдер күніне арналған қалалық іс-шара өтті.
Мерекелік шараға арнайы қатысқан Риддер қаласының әкімі Д.Б. Батырбаев құттықтау сөз сөйлеп, жас ұрпақты оқыту мен тәрбиелеу ісіне қосқан баға жетпес үлесі үшін мұғалімдерге алғысын білдіріп, педагогтарды алғыс хаттармен және бағалы сыйлықтармен марапаттады. «Риддер қаласының білім бөлімі» ММ басшысы Л.Н.Микульская зияткерлік сайыстарда және пәндік олимпиадалардың жеңімпаздарын дайындаған мұғалімдерге грамоталар мен алғыс хаттар табыс етті.
Сөз кезегі білім беру қызметкерлерінің Риддер қалалық кәсіподақ ұйымының төрағасы Т.А.Кострова алып ұстаздарды мерекемен құттықтады және педагогикалық еңбек ардагерлерін марапаттап, алғыс білдірді.
«Ритмы детства», «Каприз» ұжымдары, балалар музыка мектебінің вокалистері мен камералық ансамбльдері, «№2 орта мектебі» КММ өнерпаздары ән шашуымен аяқтады.
