АЯГӨЗДЕ ҰСТАЗДАР МЕРЕКЕСІ АТАЛЫП ӨТТІ
ШҚО, Аягөз аудандық «Қозы Көрпеш – Баян сұлу» атындағы мәдениет үйінде ұстаздар мерекесіне орай «Ұстазды ұлықтау – үлкен мәртебе» тақырыбында мерекелік салтанатты жиын өтті. Іс-шараның мақсаты : ұстаздардың ерен еңбегін, баға жетпес орнын бағалай білу,ұлы мамандық иелерін төл мерекелерімен құттықтау, ұлағатты ұстаздарға бас ию, құрмет көрсету.
Мерекелік кеш бастауы ардагер ұстаздарды ұлықтау мақсатында ұлт болашағына білім беру жолындағы сіңірген ерен еңбектері үшін тағзым етіліп, шәкірттер гүл шоқтарын ұсынды.
Абыройлы міндетті атқарып жүрген ұстаздар қауымын төл мерекесімен құттықтау үшін Аягөз ауданының әкімі Әділбай Қанат Серікқанұлы алғашқы сөз кезегін алып, ұстаздарға жылы лебізін білдірді. Білім саласындағы ұлағатты ұстаздарды облыс және аудан әкімінің алғыс хатымен марапаттады.
Ұстаздарды салтанатты түрде марапаттау кезегі Абай облысы Аягөз ауданы білім басқармасының басшысы Әзімбаев Нұрғали Тілекқалиұлына беріліп, Абай облысы білім басқармасының мадақтамасымен марапаттады.
Ауданымыздың мәртебесін Республикалық деңгейде көтеріп, білім беру ісіне қомақты үлес қосып жүрген ұстаздарға Қазақстандық оқу-ағарту, ғылым және жоғары білім қызметкерлерінің салалық кәсіподағы атынан «Білім ағарту ісінің үздігі», Ы.Алтынсарин медалінің иегері, әдіскер - ұстаз, Аягөз ауданының құрметті азаматы, кәсіподақ комитетінің төрағасы Ещанова Сауле Мұқанқызы сөз алды және аудандық кәсіподақ комитетінің атынан білім саласының үздіктерін республикалық,облыстық және аудандық кәсіподақтардың құрмет грамотасымен марапаттап, «Әлеуметтік әріптестікті дамытуға қосқан үлесі үшін», «Білім және ғылым қызметкерлерінің кәсіподағына сіңірген еңбегі үшін» төсбелгілерін табыстады. Республикалық, халықаралық дәрежедегі олимпиада жеңімпаздарын дайындаған жетекші ұстаздарға елу мың теңге көлемінде сыйақы сертификатын ұсынды.
Мерекелік кеш әсем әнмен жалғасын тауып, ұстаздардың әнұранына айналған «Ұстазым» әнімен шымылдығы жабылды.
Оқу-ағарту,ғылым және жоғары
білім қызметкерлері кәсіподағының
Аягөз аудандық комитеті
