Новости территориальных организаций

«Қазақстандық салалық білім және ғылым қызметкерлері кәсіптік одағының Ақтөбе облыстық ұйымы» қоғамдық бірлестігінің қолдауымен Ақтөбе облыстық әдістемелік орталығында шағын жинақты мектептердің ағылшын тілі пәні мұғалімдеріне арналған «Үздік ағылшын тілі пәні мұғалімі-2023» байқауы өтті.

Мұғалімнің кәсіби шеберлігін таныту, шығармашылықпен жұмыс жасайтын педагогтерді анықтау, оларға әдістемелік қолдау көрсету, пән мұғалімдері арасында өзара бәсекелестікті қалыптастыру мақсатында өткен бұл байқауға аудандық кезеңнің жеңімпаз ағылшын тілі пәні мұғалімдері қатысты.

Ағылшын тілін еркін үйрену үшін заманауи әдіс-тәсілдерді қолдану, шет тіліне қызығушылықты ояту, ойлау, тіл мәдениеті, жаңа тілдерді үйрену мен үйрету мәселесі байқау барысында тәжірибелерден көрініс тапты.

Байқаудың “Шығармашылық таныстырылым” және «Шабыттандырушы әлем - үздік сабағымда» бейнесабақ үлгісі бойынша өткен екі туры нәтижесінде төмендегі мұғалімдер жеңімпаз атанды:

І орын - Шалқар ауданы №7 жалпы орта білім беретін мектебінің ағылшын тілі пәні мұғалімі Ж.С.Маханова;

ІІ орын - Алға ауданы Ақай орта мектебінің ағылшын тілі пәні мұғалімі Н.Қ.Қартан;

ІІ орын - Әйтеке би ауданы Еңбекту жалпы орта білім беретін мектебінің ағылшын тілі пәні мұғалімі А.С.Келдібай;

ІІІ орын - Темір ауданы Еңбекші мектеп-балабақшасының ағылшын тілі пәні мұғалімі Н.Т.Қалниязова;

ІІІ орын – Ырғыз ауданы Т.Жаманмұрынов атындағы жалпы орта білім беретін мектебінің ағылшын тілі пәні мұғалімі А.Е.Елеусіз;

ІІІ орын – Ойыл ауданы, Ақшатау орта мектебінің ағылшын тілі пәні мұғалімі Н.Қ.Сембаева.

Жеңімпаздар Алғыс хаттармен және ақшалай сыйақылармен марапатталды.