КІТАПХАНАШЫ – РУХАНИ ҚАЗЫНА ЖАНАШЫРЫ
24 қазан 2023 жылы ШҚО білім және ғылым қызметкерлерінің кәсіподағы бастамасы бойынша, Өрлеу» біліктілікті арттыру ұлттық орталығы» АҚ филиалы ШҚО бойынша кəсіби даму институтының мектеп кітапханашылары курс аясында, ШҚО білім басқармасының «Örken» Шығыс Қазақстан өңірлік білім беруді ақпараттандыру және дамыту ғылыми-әдістемелік орталығы» КММ қатысуымен А.С.Пушкин атындағы облыстық кітапханасында Кітапханашылар күніне орай мерекелік кездесу өтті.
Кездесуге кітапханашы желтоқсан ардагері, тәжірибелі кітапханашылар, курс тыңдаушылары, кітапхана қызметкерлері-бастауыш кәсіподақ төрағалары, кітапханашылар қоғамдық және кәсіподақ белсенділері қатысты.
Аталған шара бірнеше бөлімнен болды. А.С.Пушкин атындағы облыстық кітапхана қызметкерлері экскурсия мен ойын-викторина өткізіп, жеңімпаздарды марапаттады.
Салтанатты бөлімде шараға қолдау көрсеткен ШҚО жергілікті кәсіподақ төрағасы Назгуль Касенова кітапханашылар қауымын құттықтап, Келісім шарт бойынша жасалып жатқан жеңілдіктер туралы айтып кетті және бір қатар белсенділерді Құрмет грамота мен Алғыс хаттармен марапаттап, сыйлықтар тапсырды. Марапаттау рәсімін «Өрлеу» институт директоры Гаухар Жуманова мен «Өркен» орталығының директорының орынбасары Айзада Кантаева жалғастырып курс кезінде іс тәжірибемен бөліскен және облыс көлемінде жетістіктері бар тәжірибелі кітапханашыларға грамота, алғыс хаттармен марапаттады.
Шараға қатысқан кітапханашылар – рухани қазына жанашырлары да өз өнерлерін көрсетіп ән орындап, интермедиа қойылымын қойып, бейне құттықтауларын арнады және оларға да музыкалық құттыктаулар Өскемен қаласы балалар музыкалық мектебінің оқушыларынан болды.
Мерекелік шарадан жақсы әсер алған қатысушалар жүздері бал-бұл жанып, алғыстарын айтып, қуаныш сезіммен тарқасты.
Еселі еңбектеріңіз еленіп, әрдайым мерейлеріңіз үстем, мәртебелеріңіз биік болсын деп тілейміз!
