ҚАЛАЛЫҚ ЖӘНЕ АУДАНДЫҚ КӘСІПОДАҚ ҰЙЫМДАРЫНЫҢ ТӨРАҒАЛАРЫНА АРНАЛҒАН КЕЗЕКТІ СЕМИНАР-КЕҢЕС ТӘМАМДАЛДЫ
10 қараша 2023 жылы Астанада Қазақстандық оқу-ағарту, ғылым және жоғары білім қызметкерлері салалық кәсіподағының қалалық және аудандық ұйымдардың төрағаларына арналған семинар-кеңесі өз жұмысын тәмамдады. Атап өтейік, осы аптада семинар-кеңес жұмысына Ақтөбе, Атырау, Батыс Қазақстан, Маңғыстау, Қарағанды облыстық кәсіподақ ұйымдарының филиал басшылары мен аппарат қызметкерлері қатысты.
Салалық кәсіподақ кеңсесінің меңгерушісі М.Бейсембаева кәсіподақтағы кеңсе жұмысының қыр-сырымен бөлісті. Кәсіподақ органдарында жеке және заңды тұлғалардың өтініштерін қараудың, істер номенклатурасының тәртібін тәптіштеп түсіндірді.
Кәсіподақтың баспасөз хатшысы М.Хұсынова кәсіподақтың оң имиджін қалыптастырудағы ақпараттық жұмыстың рөлі мен орны, маңызы мен міндеті туралы тарқатып айтты.
Екі күндік бағдарлама кәсіподақтар қызметінің барлық бағыттарын қамтыды. Семинар-кеңес жұмысын Салалық кәсіподақ төрағасының орынбасары Виктор Беженаров қорытындылады.
Семинар соңында қатысушылар тәжірибе алмасуға, кәсіби шеберлікті арттыруға көрсеткен көмегі үшін ұйымдастырушыларға алғыстарын білдірді, сондай-ақ осындай іс-шаралардың маңыздылығын атап өтті.
Республикалық семинар-кеңес туралы Қарағанды облыстық ұйымының Нұра аудандық филиалының төрағасы Адамбай Мұстафин өз пікірімен бөлісті:
- Мұндай семинар-кеңестер өте қажет, өйткені әріптестердің тәжірибесі ешқашан артық болмайды. Мен кәсіподақтағы қызметімде әртүрлі деңгейдегі көптеген іс-шараларды өткізгеніме қарамастан, бүгінгі семинардан жаңа пайдалы ақпараттарды білдім, Барлық спикерлер мақтауға лайық-бізді толғандыратын барлық тақырыптарды қысқаша, анық, қызықты түрде қамтыды.
Семинар соңында барлық қатысушыларға сертификаттар табысталды.
Қазақстандық оқу-ағарту, ғылым және жоғары білім қызметкерлері салалық кәсіподағының баспасөз қызметі
-
Файлдар