КӘСІПОДАҚТЫҢ ҚҰҚЫҚ ҚОРҒАУ ЖҰМЫСЫ – БАСТЫ НАЗАРДА
Ағымдағы жылдың 23-24 сәуір күндері Астанада Қазақстандық оқу-ағарту, ғылым және жоғары білім қызметкерлері салалық кәсіподағы құқықтық қызмет мамандарына арналған екі күндік семинар-кеңесі болып өтті.
Семинар-кеңесте оқу-ағарту, ғылым және жоғары білім қызметкерлерінің құқықтары мен заңды мүдделерін қорғаудың өзекті мәселелері талқыланды.
Кеңеске қатысушылар Кәсіподақтың 2023 жылғы құқық қорғау жұмысын қорытындылады және Кәсіподақ мүшелерінің құқықтарын қорғауды күшейту жөніндегі міндеттерді айқындады.
Семинарға ҚР Оқу-ағарту министрлігінің Орта білім беру комитеті төрағасы Жұмашев Қаныбек Бекболатұлы,ҚР Оқу-ағарту министрлігінің Бюджеттік жоспарлау департаментінің еңбекақы төлеу әдіснамасы басқармасының басшысы Тоқпанова Гүлайым Сембіқызы қатысты.
Қ.Жұмашев қатысушыларды аттестаттау мәселелері бойынша жаңа салалық НҚА қолдану ерекшеліктері туралы хабардар етті және педагогтарды аттестаттау қағидаларына енгізілген өзгерістер мен толықтыруларға қатысты түсініктемелер берді.
Г.Тоқпанова өз сөзінде білім саласы қызметкерлерінің жалақысын есептеудің негізгі мәселелерін атап өтті.
Спикерлер семинарға қатысушылардың көптеген сұрақтарына жауап берді.
Семинар-кеңестің бірінші күнінің екінші жартысы өңірлердегі қоғамдық құқық қорғау жұмысын ұйымдастыру бойынша кәсіподақ мүшелік ұйымдарының жұмыс тәжірибесімен бөлісуге арналды:
- «Қазақстандық салалық білім және ғылым қызметкерлері кәсіптік одағының Ақтөбе облыстық ұйымы» ҚБ құқықтық инспекторы А.Алимпиев жұмыс берушілердің еңбек заңнамасының орындауына қоғамдық бақылау бойынша жұмыстарды ұйымдастыру туралы баяндады;
- «Жамбыл облысының оқу-ағарту, ғылым және жоғары білім қызметкерлерінің жергілікті кәсіптік одағы» ҚБ құқықтық қызмет бөлімінің басшысы Ә.Джолшибекова еңбекті ұжымдық-шарттық реттеуді ұйымдастырудың жаңа нысандарын көрсетті;
- «Қазақстандық салалық оқу-ағарту, ғылым және жоғары білім қызметкерлері кәсіптік одағының Қарағанды облыстық ұйымы» ҚБ құқықтық инспеторы Л.Гасанов жұмыс орындарында жазатайым оқиғалардың алдын алуын, жұмыс орындарында еңбек қауіпсіздігі мен еңбекті қорғауды нығайту жөніндегі жұмыстары туралы баяндады.
- «Ұcтаз» Алматы қалалық жергілікті кәсіптік одағы" ҚБ құқықтық инспекторы М.Тұрлыбекова еңбек заңнамасының негіздеріне кәсіподақ мүшелерін және жұмыс берушілер өкілдерін оқытуды ұйымдастыру туралы тәжірибесімен бөлісті.
Семинардың бірінші күні пікірталастармен және қарастырылып отырған мәселелерді кеңінен талқылаумен ерекшеленді.
Семинар-кеңестің екінші күнгі жұмысы ЕҚжРҒЗИ Бас директорының ғылыми жұмыс жөніндегі орынбасары, заң ғылымдарының кандидаты, қауымдастырылған профессор Бекмағамбетов Әлімжан Бауыржанұлының сөзімен жалғасты. Ол қауіпсіз еңбек жағдайларын қамтамасыз етудің өзекті мәселелері туралы айтты.
Әрі қарай Орталық аппараттың Құқықтық жұмыс, ЕҚ ж/е ЕҚ бөлімінің бас маманы Бектабанов Айдарбек Жасұланұлы сөз сөйледі. Айдарбек Жасұланұлы кеңеске қатысушыларға Салалық және өңірлік деңгейлерде әлеуметтік әріптестікті ұйымдастырудың кейбір мәселелері туралы ақпарат берді.
Спикерлердің кейін өте қызу, өткір пікірталас басталды, оған жеткілікті уақыт бөлінді. Пікір алмасу барысында семинар - кеңеске қатысушылар өз пікірлерін білдіріп, баяндамашыларға сұрақтарын қойды.
Шара соңында «Қазақстандық оқу-ағарту, ғылым және жоғары білім қызметкерлері салалық кәсіподағының үздік құқықтық еңбек инспекторы» және «Қазақстандық оқу-ағарту, ғылым және жоғары білім қызметкерлері салалық кәсіподағының еңбекті қорғау жөніндегі үздік техникалық инспекторы» атты екі республикалық байқауларының қорытындысы шығарылды.
Салалық кәсіподақтың үздік құқықтық инспекторы болып танылды:
Жаркенова Гүлшат Оралқызы, Павлодар облыстық ұйымының құқықтық инспекторы;
ІІ орын - Әлімпиев Александр Львович, Ақтөбе облыстық ұйымының құқықтық инспекторы;
ІІІ орын - Жолшыбекова Әлия Игенбайқызы, Жамбыл облыстық ұйымының құқықтық қызмет басшысы.
«Қазақстандық оқу-ағарту, ғылым және жоғары білім қызметкерлері салалық кәсіподағының еңбекті қорғау жөніндегі үздік техникалық инспекторы» атағына 1 -топтағы орындар былайша бөлінді:
I орын - Жұмабеков Ертай Сәрсенұлы, Халел Өзбекғалиев атындағы Маңғыстау политехникалық колледжінің еңбек қауіпсіздігі және еңбекті қорғау инженері;
II орын - Пушанова Раушан Советқызы, ШҚО Өскемен қаласы бойынша білім бөлімінің «Жас техниктер станциясы» КМҚК директорының әдістемелік жұмыс жөніндегі орынбасары;
III орын - Аблаева Гүлнара Оралбекқызы, Шымкент қаласы білім басқармасының «Индустриалды-техникалық колледжі» МКҚК сызу мұғалімі
2 топ:
I орын -Рычко Юлия Анатольевна, Қарағанды облысы Бұқар Жырау ауданының білім бөліміне қарасты Талғат Бигелдинов атындағы орта мектептің педагог-психолог, медбикесі;
ІІ орын - Сиразетдинова Венера Рашитқызы, Солтүстік Қазақстан облысы Петропавл қ. «Айгөлек бөбекжай-бағы» МКҚК ӘШБ бойынша меңгеруші орынбасары;
ІІІ орын - Байымбетова Гүлсім Әлібекқызы, Қ. Мұхамеджанов атындағы №1 мектеп-гимназиясының еңбекті қорғау инспекторы, Қызылорда қаласы.
Байқау ережелеріне сәйкес жоғарыда аталған жеңімпаздар Салалық кәсіподақтың Дипломдарымен, ақшалай сыйақыларымен марапатталды.
Байқаудың белсенді қатысушылары да назардан тыс қалмады, оларға Салалық кәсіподақтың Алғыс хаттары мен ақшалай сыйақылары табыс етілді.
Іс-шараны қорытындылай отырып, Салалық кәсіподақ төрағасы Айгүл Мұқашева байқаулардың қатысушыларына алғысын білдіріп, жеңімпаздарды құттықтады.
Қазақстандық оқу-ағарту, ғылым және жоғары білім қызметкерлері салалық кәсіподағы баспасөз қызметі
