ЖАСТАР КЕҢЕСІНІҢ ҰЙЫМДАСТЫРУЫМЕН ИНТЕЛЛЕКТУАЛДЫҚ ОЙЫН ӨТТІ
Қазақстандық оқу-ағарту, ғылым және жоғары білім қызметкерлерінің салалық кәсіподағының 100 жылдығына орай, Қарағанды облысы Бұқар жырау аудандық кәсіподақ комитетінің жастар кеңесінің ұйымдастыруымен Бұқар жырау ауданының білім ұйымдарының жастары арасында «Кәсіподақпен армандар орындалады» танымдық ойыны өтті.
Қазылар алқасы ретінде Бұқар жырау ауданы ресурстық орталығының маманы Рауандин Тілеужан, Абай ауданының Б.Момышұлы атындағы тірек мектебінің музыка пәнінің мұғалімі Серіков Темірлан, Қарағанды облысы Кәсіподақ орталығының жанындағы "Келешек» жастар кеңесінің төрағасы Баграмова Аймира, Облыстық кәсіподақ маманы Калиева Ақмарал төрелік етті.
Аудан бойынша 21 білім ұйымдарының жас мамандарынан құралған 6 команда қатысты.
1. Шаңырақ
2. Ойқазан
3. Бауырсақтар
4. Жасыл ел
5. Кретив
6. Көктөбе
Ойын барысында командалардың әр мүшесіне түрлі креативті және тәтті сыйлықтар, ойын соңында қаржылай сыйақы табысталды.
«Шаңырақ» командасы және ойынға қатысқан Токаревка тірек мектебінің жас мамандары Хайль Ксения мен Яха Хататаева өз сыйақыларын, 27 ақпанда Қарағанды қаласы әкімдігінің және «Келешек» жастар кеңесінің ұйымдастыруымен өтетін қайырымдылық балға қайырымдылық көмек ретінде Аймира Жеңісқызына табыстады.
Ойын бір демде, өте көңілді өтті. Жастарға керемет көңіл - күй сыйлап, осындай іс-шараға барынша қолдау көрсеткен аудандық кәсіподақ комитетінің төрағасы Хамитова Эльвира Қарибайқызына командалар үлкен ризашылықтарын білдірді.
-
Фото
-
