Бүгін қызметкер 21 сәуірден бастап еңбек шартын бұзуға өтініш берді. Мектептегі бұйрықта қызметкердің жұмыстан шығарылған күні және оның соңғы жұмыс күні (20 сәуір немесе 21 сәуір) қай күн болып көрсетілуі тиіс?
Еңбек шартын жұмыскердің бастамасы бойынша бұзу тәртібі Қазақстан Республикасы Еңбек кодексінің 56-бабымен реттеледі. Осы баптың 1-тармағына сәйкес қызметкер жұмыс берушіні кемінде бір ай бұрын жазбаша түрде хабардар ете отырып, өз бастамасы бойынша еңбек шартын бұзуға құқылы.
ҚР Еңбек кодексінің 56-бабының 2-тармағына сәйкес еңбек шарты жұмыскердің бастамасы бойынша жұмыс берушінің жазбаша келісімімен хабардар ету мерзімі аяқталғанға дейін бұзылуы мүмкін.
Сұрақтың мазмұнына сүйенсек, қызметкер 21 сәуірден бастап еңбек шартын бұзуды сұрап, 20 сәуірде өтініш беріп отыр. Мұндай жағдайда жұмыс берушінің еңбек шартын бұзу туралы актісінде «21 сәуір» күні көрсетілуі тиіс.