БІЛІМ БЕРУ ҰЙЫМДАРЫНЫҢ БАСШЫЛАРЫ МЕН ОЛАРДЫҢ ОРЫНБАСАРЛАРЫНА АҚЫЛЫ ЕҢБЕК ДЕМАЛЫСЫНА ШЫҚҚАН КЕЗДЕ БЕРІЛЕТІН САУЫҚТЫРУ ЖӘРДЕМАҚЫСЫ ҚАЛАЙ ТӨЛЕНЕДІ?
Егер, білім беру ұйымдарының басшылары мен олардың орынбасарлары нормативті оқу жүктемесінің 0,5 көлемінен аспайтын мөлшерін қоса атқару жағдайында еңбек шарты негізінде орындаған болса, оларға еңбек демалысына шыққан кезде сауықтыру жәрдемақысы төленеді.
Осы тұста, айта кету керек, жалпы қағида бойынша, ҚР Еңбек кодексінің 1 б. 56) тармақшасына сәйкес, қоса атқарылатын жұмыс - қызметкердің негізгі жұмысынан бос уақытында еңбек шарты жағдайында тұрақты, ақысы төленетін басқа жұмысты орындауы.
Егер, білім беру ұйымдарының басшылары мен олардың орынбасарларына, белгіленген 40 сағаттан аспайтын апталық жұмыс уақыты ішінде оқу жүктемесі орындалған жағдайда, ақылы еңбек демалысына шыққан кезде сауықтыруға арналған жәрдемақы төленбейді.