Спорттық атағы бар дене шынықтыру мұғалімдеріне қарастырылған үстемеақылар туралы
Азаматтық қызметшілерге, мемлекеттік бюджет қаражаты есебінен ұсталатын ұйымдардың қызметкерлеріне, қазыналық кәсіпорындардың қызметкерлеріне еңбекақы төлеу жүйесі ҚР Үкіметінің 2015 жылғы 31 желтоқсандағы №1193 қаулысымен бекітілген (әрі – қарай Қаулы).
Қаулының 4-тармағы 2)-тармақшасына сәйкес білім беру, денсаулық сақтау, әлеуметтік қамсыздандыру, мәдениет, спорт және ветеринария жүйесі ұйымдарының қызметкерлеріне белгіленген еңбек жағдайы үшін қосымша ақылар мен үстемеақылар басқа қызмет салаларында тиісті лауазымдарда істейтін және мамандығы бойынша жұмыстарды орындайтын ұйымдардың қызметкерлеріне қолданылады.
Қаулының 8-қосымшасында дене шынықтыру және спорт саласындағы азаматтық қызметшілерге, мемлекеттік бюджет қаражаты есебінен ұсталатын ұйымдардың қызметкерлеріне, қазыналық кәсіпорындардың қызметкерлеріне еңбек жағдайлары үшін қосымша ақылар мен үстемақылар көрсетілген.
Көрсетілген қосымшаның 5 тармағы 1), 2) – тармақшаларында "Халықаралық дәрежедегі спорт шебері" спорттық атағына базалық лауазымдық айлықақыдан (бұдан әрі – БЛА) 30 % және "Спорт шебері" спорттық атағына БЛА-дан 15 % үстемеақы белгіленген. Осы үстемеақы ең жоғары көрсеткіш бойынша төленеді.