Еңбекақы төлемі

Салалық кәсіподаққа ағымдағы жылдың қыркүйек айынан бастап лауазымдық жалақының 30% - ға арттыру мектепалды даярлық сынып тәрбиешілері мен мектепке дейінгі білім беру ұйымдары педагогтарына қатысы бар-жоғы туралы көптеген өтінімдер келіп түсуде.

«Азаматтық қызметшілерге, мемлекеттік бюджет қаражаты есебінен ұсталатын ұйымдардың қызметкерлеріне, қазыналық кәсіпорындардың қызметкерлеріне еңбекақы төлеу жүйесі туралы» ҚР Үкіметінің 2015 жылғы 31 желтоқсандағы № 1193 қаулысының (бұдан әрі – №1193 Қаулы) 3-т. 2) т. енгізілген өзгерістерге сәйкес, мектепке дейінгі және орта білім беру ұйымдарының мектепке дейінгі тәрбие және оқыту педагогтарының ЛА (тарифтік мөлшерлемелері) ЛА-ның белгіленген мөлшеріне 2023 жылғы 1 қыркүйектен бастап 1,3 мөлшерінде түзету коэффициентін қолдана отырып айқындалады.

Лауазымдық айлықақылардың (ставкалардың) мөлшерін арттыру тек мектепке дейінгі ұйымдардың тәрбиешілері мен мектепалды сыныптарының педагогтарына ғана емес, барлық педагогтарға қолданылады.

Педагог лауазымдарының тізбесі ҚР Білім және ғылым министрінің 2020 жылғы 15 сәуірдегі № 145 бұйрығымен бекітілген.

Осылайша, 2023 жылғы 1 қыркүйектен бастап жалақының өсуі мектепке дейінгі ұйымдардың, жалпы білім беретін мектептердің, лицейлер мен гимназиялардың мектепалды сыныптарының барлық педагогтеріне қатысты.

Мемлекеттік білім беру ұйымдары педагогтарының жалақысын есептеу тәртібі «Мемлекеттік ұйымдар Педагогтарының жалақысын есептеу қағидаларын бекіту туралы» (әрі қарай - Қағида) ҚР Білім және ғылым министрінің 2020 жылғы 11 мамырдағы № 191 бұйрығымен реттеледі. Мектепке дейінгі білім беру ұйымдары мен жалпы білім беретін мектептердің, лицейлер мен гимназиялардың мектепалды сыныптары педагогтарының лауазымдық жалақыларын есептеу кезінде жоғарыда көрсетілген Қағиданың 3 және 12-т. басшылыққа алу қажет.

Сондықтан, білім беру ұйымдары педагогтарының лауазымдық айлықақылары (ЛА) атқаратын лауазымдарының функционалдық блоктарға жатқызылуына және мамандығы бойынша жұмыс өтіліне, біліктілік санатына қарай ЛА есептеу үшін бекітілген тиісті коэффициенттерді базалық лауазымдық айлықақыға БЛА мөлшеріне көбейту жолымен есептеледі.

Аптасына нормативтік оқу жүктемесі белгіленген педагогтарға (ҚР «Педагог мәртебесі туралы» ҚР Заңының 8 б. 3-т. сәйкес мектепке дейінгі ұйымдар, мектепке дейінгі тәрбие мен оқытудың мектепалды топтары, білім беру ұйымдарының мектепалды сыныптары үшін-24 сағат) астрономиялық сағаттардағы жұмыс уақытының шығындары негізге алына отырып айқындалады.

Нормативтік оқу жүктемесі белгіленген мектепке дейінгі ұйымдардың тәрбиешілері мен басқа да педагогтардың бір айдағы жалақысы Қағиданың 12-тармағына сәйкес олардың аптасына нақты жүктемесіне дейін көбейту және алынған жұмысты аптасына 24 сағат нормативтік оқу жүктемесіне бөлу арқылы есептеледі.

Мектепке дейінгі ұйымдар, жалпы білім беретін мектептердің, лицейлер мен гимназиялардың мектепалды сыныптары педагогтарының лауазымдық жалақысы Қағиданың 3-т. сәйкес жалпы негіздерде есептеледі.

Жалақыны есептеу мысалдары:

1.​Мектепке дейінгі тәрбие мен оқыту ұйымы басшысының (аудандық/ қалалық маңызы бар, облыстық маңызы бар қала) жалақысын анықтау. Педагогикалық өтілі-15 жыл. Біліктілік санаты-2.

«Білім және ғылым саласындағы азаматтық қызметшілер лауазымдарының тізілімін бекіту туралы» ҚР Білім және ғылым министрінің 2016 жылғы 29 қаңтардағы № 123 бұйрығымен бекітілген (бұдан әрі - Тізілім) сәйкес, бұл лауазым «А» блогына (басқарушы персонал), буын «А1» , сатысы «3-1» жатқызылған. Педагогикалық өтілі 15 жыл болған кезде ЛА есептеу үшін белгіленген коэффициент - 5,43 (№1193 Қаулының 2-қосымшасы) құрайды.

N1 картинка

——————

2.​Мектепке дейінгі ұйымдардың (5 күндік жұмыс аптасы кезінде балалардың болуы (9 сағат)), жалпы білім беретін мектептердің, лицейлер мен гимназиялардың мектепалды сыныптарының тәрбиешісінің жалақысын анықтау.

Біліктілік деңгейі: жоғары педагогикалық. Педагогикалық өтілі-15 жыл. Біліктілік санаты – «педагог-зерттеуші».

Тізілімге сәйкес, бұл лауазым «В» блогына (негізгі персонал), «педагог-зерттеуші» санатын ескере отырып «В3» буынына, сатысы «1», яғни В3-2 жатқызылған. Педагогикалық өтілі 15 жыл болған кезде ЛА есептеу үшін белгіленген коэффициент – 4,55 (№1193 Қаулының 2-қосымшасы) құрайды.

N2 картинка