Сабақ беруді (мұғалімдер, оқытушылар, қосымша білім беру педагогтары және басқалары) жүзеге асыратын педагогтарға ерекше еңбек жағдайы үшін 10% мөлшерінде (барлық азаматтық қызметшілер үшін көзделген) үстеме ақы қалай есептеледі?
ҚР Үкіметінің 2015 жылғы 31 желтоқсандағы №1193 «Азаматтық қызметшілерге, мемлекеттік бюджет қаражаты есебінен ұсталатын ұйымдардың қызметкерлеріне, қазыналық кәсіпорындардың қызметкерлеріне еңбекақы төлеу жүйесі туралы» қаулысының 18- қосымшасының 15-т. сәйкес мемлекеттік мекемелер мен қазыналық кәсіпорындар қызметкерлеріне ерекше еңбек жағдайлары үшін лауазымдық айлықтан 10% мөлшерінде үстеме ақы тағайындалады. Нормативтік оқу жүктемесі белгіленетін педагогтар үшін лауазымдық айлық, шын мәнісінде, «айлық жалақы» болып табылады, өйткені ҚР Білім және ғылым министрінің 2020 жылғы 11 мамырдағы №191 бұйрығымен бекітілген бюджет қаражаты есебінен қаржыландырылатын мемлекеттік білім беру ұйымдарының педагогтарына жалақы есептеу Қағидасының 9-тармағымен, бастауыш, негізгі орта, жалпы орта білім беру ұйымдары педагогтарының жалақысын есептеу үшін бір ай кезеңі қолданылады. Педагогтың айлық жалақысы бір айға тарифтік ставканы (лауазымдық айлықты) оның апталық нақты жүктемесіне көбейту және алынған көбейтіндіні ҚР «Педагог мәртебесі туралы» заңымен белгіленген апталық нормативтік оқу жүктемесіне бөлу жолымен айқындалады. Осылайша, еңбекақы төлеу жүйесімен көзделген қосымша және үстеме ақылар кірмейтін және шын мәнінде, қызметкердің лауазымдық айлығы болып табылатын жалақының негізгі бөлігі есептеледі. Сәйкесінше, жоғарыда көрсетілген үстеме ақы педагогтың нақты оқу жүктемесі бойынша ставкасынан есептелуі тиіс.