Қандай қызметкерлерге жыл сайынғы ақы төленетін қосымша еңбек демалыстары беріледі?
Жыл сайынғы негізгі ақылы еңбек демалысымен қатар қызметкерлерге қосымша ақылы еңбек демалыстары берілуі мүмкін.
ҚР Еңбек кодексінің 89 бабына сәйкес жыл сайынғы ақы төленетін қосымша еңбек демалыстары:
1) ауыр жұмыстарда, еңбек жағдайлары зиянды және (немесе) қауіпті жұмыстарда істейтін жұмыскерлерге Өндірістердің, цехтардың, кәсіптер мен лауазымдардың тізіміне, ауыр жұмыстардың, еңбек жағдайлары зиянды және (немесе) қауіпті жұмыстардың тізбесіне сәйкес ұзақтығы кемінде күнтізбелік алты күн болатын жыл сайынғы ақы төленетін қосымша еңбек демалыстары беріледі.
Ауыр, зиянды және (немесе) қауіпті жағдайлардағы еңбегі өндірістік объектілерді еңбек жағдайлары бойынша аттестаттау нәтижелерімен расталған жұмыскерлерге жыл сайынғы ақы төленетін қосымша еңбек демалыстары беріледі.
Салалық кәсіподақтың Facebook ресми парақшасында өндірісте зиянды немесе қауіпті еңбек жағдайларында жұмыс істейтін қызметкерлер үшін қосымша еңбек демалысының берілуі туралы түсіндірме берілген болатын 
https://www.facebook.com/profsoyuzrabotnikovobrazovaniya/posts/1454051478099622.
https://www.facebook.com/profsoyuzrabotnikovobrazovaniya/posts/1454051478099622.2) бірінші және екінші топтардағы мүгедектерге ұзақтығы кемінде күнтізбелік алты күн болатын жыл сайынғы ақы төленетін қосымша еңбек демалыстары беріледі.
Жұмыскерлердің өзге санаттарына жыл сайынғы қосымша демалыс беру және оның ұзақтығы Қазақстан Республикасының заңдарында белгіленуі мүмкін.
Еңбек, ұжымдық шарттарда жұмыскерлерге үздіксіз ұзақ жұмысы, маңызды, күрделі, жедел жұмыстарды, сондай-ақ өзге де сипаттағы жұмыстарды орындағаны үшін көтермелеу сипатындағы жыл сайынғы ақы төленетін қосымша демалыстар белгіленуі мүмкін.
Еңбек қатынастары, сондай-ақ еңбек қатынастарына тікелей байланысты өзге де қатынастар еңбек шартымен, жұмыс берушінің актісімен, келісіммен және ұжымдық шартпен реттеледі.
Ескеру қажет!
Салалық деңгейде білім және ғылым саласы қызметкерлері үшін еңбек жағдайын, жұмыспен қамтуды және әлеуметтік кепілдіктерді белгілеу жөніндегі 2021-2023 жылдарға арналған Әлеуметтік әріптестік туралы Салалық келісімнің 6.15 тармағына сәйкес келесі қызметкерлерге ақылы еңбек демалыстарына 3 күн қосылады:
- медициналық қызметкерлер;
- медициналық қызметкерлер;
- кітапханашылар;
- аудандық, қалалық (мектеп) әдістемелік бірлестіктерінің;
- техникалық және кәсіптік білім беру ұйымдарының әдістемелік бірлестіктерінің басшылары;
- бас бухгалтерлер; бухгалтерлер.