Педагогикалық еңбек өтілін есептеу туралы.
Қазақстандық оқу-ағарту, ғылым және жоғары білім қызметкерлерінің салалық кәсіптік одағы келесі түсіндірмені жариялайды
«Мектепке дейінгі тәрбие мен оқытуды, бастауыш, негізгі орта және жалпы орта білімнің жалпы білім беретін оқу бағдарламаларын, техникалық және кәсіптік, орта білімнен кейінгі, қосымша білімнің білім беру бағдарламаларын және арнайы оқу бағдарламаларын іске асыратын білім беру ұйымдарында жұмыс істейтін педагогтерді және білім және ғылым саласындағы басқа да азаматтық қызметшілерді аттестаттаудан өткізу қағидалары мен шарттарын бекіту туралы» Қазақстан Республикасы Білім және ғылым министрінің 2016 жылғы 27 қаңтардағы № 83 бұйрығына (әрі қарай – Аттестаттау қағидалары) енгізілген қосымша нормаларға қатысты Салалық кәсіподаққа жиі түсіп жатқан сұрақтардың бірі - педагогикалық еңбек өтілін есептеу туралы.
Толығырақ тоқталатын болсақ, Аттестаттау қағидаларының 123, 124 тармақтарына сәйкес 30 және одан да көп жыл педагогикалық өтілі бар педагогтар жаңа жүйе бойынша берілген біліктілік санатын растаған кезде ПББ тапсырудан босатылады және қызмет нәтижелерін кешенді жинақтаудан өтеді.
30 және одан да көп жыл педагогикалық өтілі, әрі ескі жүйе бойынша "бірінші", "жоғары" санаттары бар педагогтар "педагог-модератор" біліктілік санатына ауысқан кезде ПББ тапсырудан босатылады және қызмет нәтижелерін кешенді жинақтаудан өтеді.
Осыған орай, педагогикалық еңбек өтілін есептеуде колледж, жоғары оқу орны немесе жоғары оқу орнынан кейінгі білім беру ұйымдарындағы оқу уақыты ескеріледі ма, деген сұрақтың маңыздылығын ескере отырып, келесі түсіндірмені жариялаймыз.
«Бiлiм ұйымдары мен ғылыми ұйымдардың қызметкерлерiне мамандық бойынша жұмыс стажын есептеу ережесi» Қазақстан Республикасы Білім және ғылым министрінің 2010 жылғы 14 маусымдағы № 302 бұйрығымен (әрі қарай - Ереже) реттеледі.
Ереженің 2-бөлімінің 3- тармағы 5) – тармақшасына сәйкес техникалық және кәсіптік, орта білімнен кейінгі (колледждер), жоғары, жоғары оқу орнынан кейінгі білім беру ұйымдарында өндiрiстен қол үзiп оқыған уақыттың алдында егер, қызметкер педагог лауазымын атқарған және бітіргеннен кейін педагогикалық қызметпен жалғастырған болса, оқу уақыты педагогикалық жұмыс өтіліне міндетті түрде кіруі тиіс.