Қазақстандық салалық білім және ғылым қызметкерлері кәсіподағының төрайымы Айгүл Мұқашеваның Наурыз мейрамымен құттықтауы
ҚҰРМЕТТІ ДОСТАР,
ҚАДІРЛІ ӘРІПТЕСТЕР!
Баршаңызды Ұлыстың ұлыс күні – әз-Наурыз мерекесімен шын жүректен құттықтаймын!
Еңсесін тіктеген егемен елімізде дәстүрімізді дәріптеп, ұлттық құндылықтарымызды ұлықтауда Наурыз мейрамының алар орны ерекше. Тарихы тағылымға толы Ұлыстың ұлы күні жыл өткен сайын жаңғырып, жаңаша сипат алып, береке-бірлігімізді бекемдей бермек.
Ізгілік пен жақсылықтың жаршысы, жыл басы әз-Наурыз – елімізге береке, халқымызға – игілік, мемлекетімізге – молшылық, әр шаңыраққа қуаныш пен шаттық әкелсін.
Дендеріңізге саулық, жұмыстарыңызға жеміс, толайым табыс, әр бастамаларыңызға сәттіліктер тілеймін.
Ұлыс оң болсын, ақ мол болсын!
Ізгі ниетпен,
Қазақстандық салалық білім және ғылым қызметкерлері кәсіподағының төрайымы Айгүл Мұқашева
