Жаңалықтар

Жалпыресейлік білім Кәсіподағының Орталық аппаратында, 2020 жылғы 19-21 қазан аралығында, «Арктур» VЖалпыресейлік кәсіптік байқау аясында, Zoom платформасында «Қазіргі замандағы азаматтық-патриоттық тәрбие. Проблемалар және оларды шешу» тақырыбымен қосымша білім беру мәселелері бойынша форум өтті.

Форум жұмысына Жалпыресейлік білім Кәсіподағының төрайымы, Ресей Федерациясының еңбегі сіңген мұғалімі Г.И.Меркулова, Волгоград облысы губернаторының орынбасары, Ресей ағарту Министрлігінің өкілі З.О.Мержоева қатысты.

«Высшая школа экономики» ҒЗУ білім Институтының жалпы және қосымша білім беру орталығының директоры С.Г.Косарецкий заманауи оқушыны тәрбиелеудегі мүмкіндіктер мен таңдау туралы өзекті тақырыпты қозғап, нақты талдау жасады.

«Z ұрпағының оқушысын не үшін тәрбиелеу қажет» деген сұраққа жауап берген «2018 жылғы Ресей мұғалімі» байқауының жеңімпазы Г.А.Назаровтың баяндамасы және 21 ғасырдың жасөспірімі мен А.С.Пушкиннің «Капитан қызы» повесіндегі жас дворян П.Гриневтің арасында салыстырмалы талдау жүргізген, «2019 жыл мұғалімі» байқауының жеңімпазы, орыс тілі мен әдебиеті мұғалімі Л.Г.Арачашвилидің шеберлік сыныбы ерекше қызығушылық тудырды.

Қазақстандық салалық білім және ғылым қызметкерлері кәсіподағының атынан қосымша білім беру педагогтары, Жамбыл, Маңғыстау және Павлодар облыстарының кәсіподақ қызметкерлері мен білім бөлімдерінің әдіскерлері қатысты.«Қайнар» білім беру және бос уақытты қамту кешені директорының тәрбие ісі жөніндегі орынбасары Баймурзина Назгүл Еркиновна «Жобалық қызметті іске асыру арқылы жаңа қазақстандық патриотизм мен азаматтылықты тәрбиелеу» тақырыбында сөз сөйледі.

Қатысушыларға youtube каналында алаң ұсынылып, форум көрсетілді. Оның қорытындысы бойынша барлық қатысушыларға сертификаттар берілді. Форумды Жалпыресейлік білім Кәсіподағы төрайымының орынбасары Татьяна Куприянова қорытындылады.

Қазақстандық салалық кәсіподақ халықаралық форумдыұйымдастырудағыкәсібилігіүшін
Жалпыресейлік білім жәнеғылым қызметкерлерінің кәсіподағына алғыс білдіреді

Байқау мен форум көрсетілімінің жазбасы: http://forum.starktur.ru/