Қазақстандық оқу-ағарту, ғылым және жоғары білім қызметкерлері салалық кәсіподағының төрағасы Айгүл Мұқашеваның Ұстаздар күнімен құттықтауы
ҚҰРМЕТТІ ҰСТАЗДАР!
АРДАҚТЫ ӘРІПТЕСТЕР!
Қазақстандық оқу-ағарту, ғылым және жоғары білім қызметкерлері салалық кәсіподағының атынан Сіздерді кәсіби төл мереке – Ұстаздар күнімен шын жүректен құттықтаймын!
Қай кезеңде болмасын ұрпаққа білім, тәлім мен тәрбие беру - ұлы мұрат. Ал, оқушы бойына осынау асыл қасиеттерді дарытушы, білімнің бағдары, ұрпақтың бағбаны, ең ұлы тұлға - ұстаз. Алаш арысы, ұлт перзенті Мағжан Жұмабаевтың: «Алты алаштың баласы бас қосса, төр – мұғалімдікі» – деген аталы сөзі бүгінгі жаһандану заманында да өзектілігін жоғалтпаған.
Мемлекет басшысы Қ.Тоқаев «Ұстаз біздің қоғамда әрдайым сыйлы тұлға болады», - деп, қоғамда мұғалім мәртебесін көтеруге ерекше назар аударуда. Қоғам мен адамзат алдында ерен еңбек етіп, өскелең ұрпақты тәрбиелеуге тер төгуші ұстаздар қауымы ең жоғары марапат пен құрметке лайықты.
Кәсіби мереке күні ұлағатты маман иелері – ұстаздардың құнды да қастерлі еңбектеріне алғыс білдіре отырып, шәкірт тәрбиелеу ісіндегі жауапты қызметтеріңізге табыс, кәсіби өрлеу, шығармашылық шабыт тілеймін! Әрқашан денсаулықтарыңыз мықты, өмір жастарыңыз ұзақ болып, отбасыларыңыз береке-бірлікпен көркейсін. Өскелең ұрпақты білім нәрімен сусындатуда жарқын жетістіктермен биіктен көріне беріңіздер!
Ізгі тілекпен,
Салалық кәсіподақ
төрағасы Айгүл Мұқашева
