«Ұстаз» кәсіподағының» IX есеп беру-сайлау конференциясы
2024 жылғы қаңтардың 17-і күні «Алматы қалалық жергілікті «Ұстаз» кәсіптік одағының» IX есеп беру-сайлау конференциясы өтті. Конференцияға аудандық филиалдардан сайланған 103 делегат қатысты.
Конференцияға қатысқан қонақтар: Мұқашева Айгүл Мақсатқызы - Қазақстандық оқу-ағарту, ғылым және жоғары білім қызметкерлері салалық кәсіптік одағының төрағасы, Биекова Бакытжан Умитбековна, Білм басқармасы басшысының орынбасары, Умирбаева Зауреш Абилгожановна, «Алматы қаласы кәсіподақтар орталығы» Аумақтық Кәсіподақтар Бірлестігінің төрағасы, Миразова Аягүл Төреқызы, Қазақстанның Еңбек Ері, ардагер ұстаз.
Күн тәртібі бойынша «Ұстаз» АҚЖКО төрағасы С.Байгуттинов және Бақылау-тексеру комиссиясының төрағасы Э.Сыдыгалиева 2019-2024 жылдар аралығындағы атқарылған жұмыстары туралы баяндама жасады. Конференцияда «Ұстаз» кәсіподағының жұмысы «қанағаттанарлық» деп есептелді.
Сонымен қатар конференция қонақтары да сөз сөйледі.
Конференцияның жұмысы барысында делегаттар бірауыздан қабылдап, «Ұстаз» кәсіподағының төрағасы болып С.Қ.Байгуттинов сайланды. Одан кейін «Ұстаз» кәсіподағы Бақылау-тексеру комиссиясының мүшелері, Кеңес мүшелері және Қазақстандық оқу-ағарту, ғылым және жоғары білім қызметкерлері салалық кәсіподағының XV съезіне делегаттар сайланды.
Конференцияның соңында салалық кәсіподақтың төрағасы А. Мұқашева Кәсіподақтың белсенді мүшелерін Алғыс хатпен, Құрмет грамотасымен және «Сала қызметкерлерінің кәсіподағына сіңірген айрықша еңбегі үшін» төсбелгісімен марапаттады.
-
Фото
-
