12 сәуір – Ғылым қызметкерлері күні
Құрметті әріптестер!
Қазақстандық оқу-ағарту, ғылым және жоғары білім қызметкерлері салалық кәсіподағы атынан Сіздерді кәсіби мереке - Ғылым күнімен шын жүректен құттықтаймын!
Бұл мереке Отандық ғылымының қалыптасуы мен дамуына зияткерлік үлес қосқан барлық адамдар үшін маңызды. Ғылым қайраткерлердің қазіргі ұрпағы алдыңғы буынның даңқты дәстүрлерін сәтті жалғастыруда. Сіздердің еселі еңбектеріңіз бен таңдаған кәсіптеріңізге деген адалдықтарыңыз үшін үлкен алғыс айтамын!
Бүгінгі жарқын мерекеде Сіздерге шын жүректен зор денсаулық, жемісті жұмыс, қажымас қуат, еліміздің игілігіне арналған тың идеялар мен жарқын жетістіктер, шығармашылық шабыт, қызметте биік белестер тілеймін!
Айгүл Мұқашева - Қазақстандық оқу-ағарту, ғылым және жоғары білім қызметкерлері салалық кәсіподағы төрағасы
