Жаңалықтар

Солтүстік Қазақстан облысында "Жұмысшылар мамандықтар жылы" аясында ауқымды іс-шара өтті. Аталған іс-шара кәсіподақ қозғалысының 120 жылдығына және Салалық білім кәсіподағының 100 жылдығына арналды.

Білім беру, ғылым және жоғары білім саласының қызметкерлері кәсіподағының облыстық комитетінің күшімен білім беру саласының жұмысшы мамандықтарының форумы ұйымдастырылып, өткізілді, оған облыстың барлық аудандарынан 200-ге жуық кәсіподақ мүшесі, техникалық персоналдар қызметкерлері қатысты.

Форумның құрметті қонақтары Солтүстік Қазақстан облысы аумақтық кәсіподақтар бірлестігінің төрағасы Е.Е.Нұрақаев, педагогикалық еңбек ардагері Т.Т.Әбілмәжінов, біздің әлеуметтік әріптестік тарапынан - Білім басқармасының басшысы А.А.Сұрағанова бастаған аудандық, қалалық білім бөлімдерінің басшылары болды.

- Президент бастамасын іске асыра отырып, біз, білім кәсіподағы, еңбексүйгіштік, кәсібилік, өз ісіне адалдық идеяларын алға жылжытамыз. Бұл залға біз шақырған адамдар кездейсоқ емес. Олар қаһармандық іс-әрекеттер жасамайды, балаларға ғылымды үйретпейді, чемпиондарды тәрбиелемейді, бүгін жеке үлгісімен, жеке жетістіктерімен, өз ісіне деген сүйіспеншілікпен, өз ұжымдары үшін көп нәрсе жасайды - уақытқа қарамай қоғамдық өмірге қатысады, өз кәсіби қызметін көптеген шығармашылық әуестіктермен үйлестіреді, бұл тек тәртіп қана әкелмейді, мектептерде , балабақшаларда жайлылық пен тазалық атмосферасын қалыптастырады, - деді облыстық кәсіподақ комитетінің төрағасы Б.Е. Аюпов.

А.А.Сұрағанова өз сөзінде, білім беру мекемесінің әрбір ұжымының өміріндегі кәсіподақтың оң рөлін атап өтті, сондай-ақ техникалық қызметкерлер үшін осындай ауқымды іс-шараны ұйымдастырғаны және өткізгені үшін облыстық комитетке алғыс айтты.

Шарада жұмысшы мамандығының үздік өкілдері марапатталды. Білім басқармасының Алғыс хаттарымен кәсіподақтың 13 мүшесі, аумақтық кәсіподақ бірлестігінің грамоталарымен 7 адам марапатталды, облыстық комитет техникалық қызметкерлер қатарынан 17 белсенді кәсіподақ мүшелерін Алғыс хаттармен атап өтті.

Аталған бағыттардағы жүйелі жұмыс жұмысшы кәсіптерінің әлеуметтік мәртебесін нығайтып қана қоймай, әрбір адам үшін еңбекті құрметтеу, әлеуметтік ынтымақтастық және тең мүмкіндіктер қағидаттарына негізделген әділ қоғам құруға елеулі үлес қосуға мүмкіндік беретініне сенімдіміз.

Біз кәсіподақтың әрбір мүшесі өзінің заңды құқықтары мен мүдделерінің қорғалуына қамқорлық пен сенімділікті сезінуін қолдаймыз.