ҰЛАҒАТТЫ ҰСТАЗДАР ҰЛЫҚТАЛДЫ
Ұзақ жылдар бойы шәкірттеріне білім нәрін сіңірген қастерлі тұлға ұстаздар биылғы жаңа оқу жылында Оқу-ағарту Министрлігінің тарапынан үлкен тосынсыйға ие болып отыр. Республика бойынша 40 жылдан астам өтілі бар ардагер ұстаздардың барлығы дерлік білім саласына қосқан айрықша үлесі үшін Қазақстан Республикасының Оқу-ағарту Министрі Бейсембаев Ғани Бектайұлының Алғыс хатымен марапатталды.
Осындай құрметке үлкен үлесін тигізіп, әлеуметтік әріптестікті оңтайлы қолданып отырған Қазақстандық оқу-ағарту, ғылым және жоғары білім қызметкерлері салалық кәсіптік одағының төрағасы Мұқашева Айгүл Мақсатқызына ұстаз мәртебесін ұлықтап, еңбектеріне жоғары баға беріп, қолдау мен құрмет көрсеткені үшін Қарағанды облысының ұстаздар қауымынан, Қарағанды облыстық оқу-ағарту, ғылым және жоғары білім қызметкерлері салалық кәсіптік ұйымының атынан басымызды иіп, алғысымызды білдіреміз. Мемлекетіміздің жарқын болашағы үшін атқарған игі істеріңіз абыройлы болып, ынтымақтастық пен бірліктеріңіз нығая берсін демекпіз!
«Қазақстандық оқу-ағарту, ғылым және жоғары білім,
білім қызметкерлері салалық кәсіптік одағының
Қарағанды облыстық ұйымы» ҚБ
-
Фото
-
